اختي ام منصور بيتي عباره فيلا دورين وبنت هاوس الدور الاول مجلس رجال كبير مع حمام ومغاسل وصاله مفتوحه كبيره بسويها جلستين كنب وغرفه ضيوف بحمامها ومطبخ بخزن والدور الثاني صاله توصلك بالغرف هم اربع غرف كل غرفه بحمامها والدريسنج غرفتي الرئيسيه طبعا فيها مشربيه اللي كلش كارهتها لان زوجي صمم عليها ونا كنت ما اباها ما احسها عمليه ولا اضفت اي لمسه جماليه على البيت خاصه ان البيت مودرن وما احس فيه رابط اتمنى تكوني فهمتي على لمن نعمل بيت لازم يكون فيه ثيم معين تمشي عليه سواء مودرن او تقليدي وفيه بعد بانتري صغير والبنت هاوس فيه مخزن عود وغرفة غسيل وكوي وغرفة الشغاله بحمامها وبعدين فيه غرفه كبيره مثل جلسه يتوسطها سلايدنج دور ممكن تفتحيه يطلع منظر جميل وفيه غرفة مكتب لريلي بحمامها هذا مختصر بيتي مب ضخم بس كل شيء فيه وحلو طيب بسالك سؤال هل ما زال رايج الجدار ينعمل بلونين يعني تحت يكون احمر قاني وفوق اممممم مثلا بيج على اصفر ويكون معتق بعد؟؟؟؟؟؟؟؟

انا عن نفسي احسن شي سويتة هو قسم الضيافة

في زاوية البيت اي بالحوش وضعت قسم الضيافة وهو عبارة عن غرفة نوم الضيوف وحمامها ومجلس وزاوية مطبخ خدمة

انا من هالناحية ارتحت لاني دائما زواويري اللي من خارج المنطقة

الوان البيج المعتق هو اجمل شي

اندم اني وضعت تكرمين حمامي باخر الجناح بحيث اني انا اللىصرت اغسلة ..

لعدم دخول الشغالة لجناحي..

بالنسبة لي عملت الصالة وغرفة الضيوف أرضية رخااااااااام وندمت كتير ياريتني سويته سيراميك لأن الرخام تنظيفه بالبلاطة حتى يلمع وياخذ وقت أطول

الأمور اللي مبسوطة عليها وطلعت حلوة الأسقف - جبت مختص وعمللي سقف غرفة الصالون وغرفة الضيوف دهن الجبس والسقف بألوان رائعة جدا خشبية متدرجة - صعب أشرح الشكل

وكمان كان في بغرفة النوم أمام الحمام الماستر بالغرفة alcove أو فجوة كبيرة بالحائط وعريضة عملتها خزانة حائط وكتييييييير وفرت علي أماكن بترتيب البياضات والأمور هذه

والبلكونة عندي كانت كبيرة جدا مثل تيراس - أقفلتها بزجاج وعملتها برندا sunroom وزرعت فيها كتير سواء أصيصات أو نباتات متسلقة وطلعت حلوة وحطيت قفص كنار وحوض سمك وجبت من الشلالات الصغيرة decorative وضعتها على طاولة جانبية

اننا لساتني بالتصميم وغن شاء الله بعد أكمن شهر بنبدأ بإذن الواحد الأحد .


واستفدت كتير من تجاربكم طبعا واللي عندها المزيد تزيدنا .

انا من ناحيتي البيت متواضع ما راح يكون كبير لننا راح نستخدمه 25 يوم بالسنة هي الصيف وبصراحة مش حابة اوسع وانا مش عارفة متى برجع اعيش فيه 10 سنوات والا 20 والا سنتين ؟؟؟

يعني مش حابة أتكلف زيادة والأثاث راح يكون متواضع طبعا لنو في رطوبة ومطر وما بعرف مين راح يدير باله على البيت بغيابنا والا راح يصير فندق للي رايح وللي جاي ؟؟ الله اعلم .

ولكن راح اعمل تسوية .
التركيز على جلسة خارجية لأننا نروح بالصيف والناس ما ترضى تدخل جوا تحب تحت الشجر
التشجيير نبدأ فيه اول البناء علشان يادوب الشجر يكبر ونجلس تحته .

رحت السوق الصيني وشفت أنواع السيراميك الرخام والغلب نصحني بالسيراميك او اللي أحسن البورسلان هذا احلى شي تحتاري فيه هل خشب والا رخام شكله بيجنن .

والله يقدرنا نكمله بدون ما نحتاج ديون لأننا زوجي يرفض مبدأ الدين حتى ولو درهم واحد .

مشكورين يا بنات يا فنانات واختي ني ني فهمت عليك شنو تقصدين لاني ناويه اسوي نفس اللي قلتي عليه صبغ الجبس باللون البني او لون الخشب ومشتقاته في المدخل لان مدخلي شويه كبير وابي اسويله حركات شويه لان البيت يبين من عنوانه قصدي من مدخله .. واشكركم جزيل الشكر ام السعف والليف مشكورة عيوني بعد قلبي والله نورتيني ....... :39: اختي مهى مشكورة على المرور وعسى ما تستقري بس ترى احلى شيء بالحياه الاستقرار اسالي مجرب :angry: