بنات بغيت اسولف وياكم واخذ رايكم

هلا حبيباتي بكل اختصار بقولكم القصه
انا طبعا متزوجه وعندي 3 وحامل حاليا وساكنه مع اهل زوجي بنفس البيت لكن من سنه والحمد لله انفصلت عنهم بملحق بس بنفس البيت والحمد لله امورنا طيبه رغم شوية حساسيات بيني وبينهم يكرهوني ما اعرف شو السبب لكن مو هاي القصه

امس بالليل وانا رايحه انام فجأة زوجي قالي هالعباره ( لو مت ما أوصيج على أمي )
قلت له ليش تقول هالكلام امك لا انا مقصره معاها ولا هي ( علاقتي معاها زينه لكن مرت اخوه دايم تحاول تخرب بيني وبينها ما أعرف ليش )

قلت له المفروض توصي اخوانك ( اخوه واخته ) وانا صريحه معاه وهو يعرف اهله عدل قلت له اهلك لو اليوم مت باجر انا مطروده من البيت وقالي ما عليه رغم هاااا ما اوصيج على امي

فقلت له ان شاء الله بس
نمت ودموعي على خدي تضايقت منه
انا لو بغيت اوصيه كنت بوصيه على عيالي يعني المفروض يوصيني على عياله مش امه
امه عايشه وسط عيالها واحفادها ومو ناقصنها لا فلوس ولا حتى بر من عيالها وغيرهم والكل يزورها من اخوانها وهي دايما مسافره في السنه اقل شي مرتين ( مصريه ) يوصيني عليها على اي اساس

قصدي من هالقصه كلها انا وعيالي وين سرنا من حياته حاليا ولا مماته مالنا مكان يعني هو بنفسه يعرف اهلها ما يحبوني ودايما يدورن علي غلطه بس عشان يسووون معاي مشكله يعني مو عايشه بوسطهم بأمان الا بوجوده حتى مره هو سافر اسبوع بس امه بغت تقطع عني السواق اللي مثل ما يودي عيال البيت المدرسه ما يودي عيالي اتصلت له على طول الصبح ليش هالمعامله قلت له انته بعدك ما مت عايش وقالت لي ودي انتي عيالج المدرسه وفي سواق في البيت يسوي كل شي للي في البيت انا بس يودي عيالي المدرسه على اساس كلهم يسيرون بنفس السياره
يعني ما فكر يأمن على زوجته وعياله بعد ما يموت ولا هو واثق انه بسير عند اهلي مع انه البيت حقي وحق عيالي اقعد فيه لو ما تزوجت بعده


فهمتوا علي بنات انا غلطانه في شي علموني والله اني طول اليوم متضايقه انا همي بس عيالي لا سمح الله وصار شي لزوجي وين اوديهم تعرفون انا بصراحه اهلي ما يقصرون لكن الواحد ما يرتاح الا في بيته مع عياله وعيالي يكونون مرتاحين وبكرامتهم في بيتهم

بغيت نصايحكم ومشورتكم لاختكم :icon33: