بنات بفضفض عندكم احد يسمعني

مرحبا يابنات

هي مجرد فضفضه وابيكم تسمعوني وتعطوني رأيكم

تزوجت حالي حال الكثير عندي ذهب بالهبل
كان عندي اطقم كثير وخواتم وغوايش واساور وكلها ماشاء الله تهوس
ثقيله وهذي كلها من الوالد الله يرحمه
المهم
بعد الزواج شوي شوي بدء هالذهب ينقص والفضل الاول والاخير لزوجي العزيز
مقهوره حيل اناظر في شنطة ذهبي فاضيه ماعاد فيها شيء

ماراح اقولكم زوجي مايستاهل هو انسان حبوب جدا وطيب ومحترم
بس الظروف
بس هالحين اقوله يالله ابدء شوي شوي اشتري لي يقول طيب بعد اسبوع بعد شهر
ومماطله
انا عادي لو كان زوجي لي لوحدي مو مهم المشكله انه متزوج ( انا الثانيه )واحس كلما حصلت بيننا مشكله
انه بيتركني ( ماادري ليش هالاحساس مع انه يحبني بجنون وادري وواثقه مليون في الميه ان مافي بقلبه غيري ) حتى لما حملت حملي الثاني كنت ابكي
بقهر وودي انزله لأني احس اني مابعيش معه حياتي كلها احس انه بيجي يوم ويتركني
حاسه
اني مجرد شيء عابر بحياته لان زوجته الاولى بنت عمه احس انه مهما حصل مستحيل يتخلى عنها
وانا الغريبه بيتركني بسهوله
مسوي لها شقه ملك حقها وحق بناتها وانا لما اقوله ماتفكر تسوي لي شيء لي ولولدك
يقول خليها للايام
مقهوره موت والوساوس توديني وتجيبني
سالفة الذهب اهلي مايدرون عنه امي اذا في مناسبه تقولي البسي الطقم ذاك وانا ادور لي حجج عشان ماتدري لانه محلفني مااحد يدري

وش رأيكم انا ماابغى ازن واكثر كلام معه واقوله يالله رجع تدرون رجال ويتحسس بيقول قاعده تمن علي

شوروني الله يجزاكم كل خير