بنات بفضفض فيه احديسمعني

السلام عليكم

بنات انامررره بنفجر احس بغصه تخيلوا موقفي

انا مغتربه طبعا تعرفون المغتربات مع بعض زي الخوات

انا عندي جاره انا وياها مررره صديقات تخدمني واخدمها طبعا هي صارت بنفاس ما امدح نفسي واتفلسف لاني ابيها من الله

ولا ابي احد يمدحني لكن يشهد ربي اني ماقصرت معاها

اللي صار انها تمون بزياده حتى اكلها قلت اسوي لك مرقوق قالت لا غيري وش اسوي هذا اللي اعرف للنفاس الرز تقول ما

ابيه كل هذا مو مشكله سويت لها مطازيز بدال المرقوق ومصابيب ومرق لحم واخذته لها

وانا عندها رجلها طلب شاهي هو فوق

واحنا تحت سويت له قلت كم احط سكر قالت 3 فناجيل طبعا انا استغربت قلت وواو كثير انا احط واحد قالت

(((((((((((حطي وانتي ساكته)))))))))))))))))))))))

انا كانه كب علي ماء حار قلت وش تبي ذي وش الالفاظ سكت وبين على وجهي بس قلت حلوه حطي وانتي ساكته

وخلصت شغلي بسرعه ولبست عباتي قلت اذا بغيتي شي ارسلي وات سب قالت وراك حمقه قلت اذا انتبهتي لالفاظك ما احمق

وطلعت دقت تقول وش فيه ومدري ايش حقك علي قلت ماصار شي عادي بس لازم يكون فيه ردة فعل لنا موجماد

قالت ليش تقولين رجلك سمين ليه يحط 3 قلت لا ماطريت السمنه بس استغربت وما حبيت اتكلم في حزتها لانك كبيره

مو انا اللي اعلمك الالفاظ كيف قالت خلاص تعالي المغرب قلت يصير خير وسكرت السماعه

اللحين وش رايكم بس صياح وما ودي اقول لزوجي يعصب عليها وبنفس الوقت منقهره تكفون

افيدوني وش اسوي