السلام عليكم ورحمة الله وبركاته ** كيفكم بنات ** اممم أنا يمكن أطول عليكم اليوم بس بليـز أبيكم تقرون موضوعـي للآخر وتنصحونـي لأنـي والله تعبت سنتـيـن من الشقـى والله مرة كثـيـر وخاصة للـي مثلـي (بحياتهم ما شافوا غيـر السعادة يعنـي طول حياتـي علاقاتـي مع الناس مرة حلوة وما فيه أحد يكرهنـي وما صارت لـي مثل هالمواقف إلا من ثلاث سنوات).
** أول شـيء بتكلم لكم عن شخصيتـي عشان يعنـي تعرفون تنصحونـي وكذا **
احم أنا عندي شخصيتـيـن وحدة اللـي استمريت فيها ست سنوات اللـي هـي من أولـى ابتدائـي لـيـن سادس .والشخصية الثانية اللـي الحيـن أنا فيها (أنا الحيـن بثاني متوسط) .
أولاً:- *شخصيتـي الأولـى* :- كنت عايشة حياتـي سعيدة بس طبعا فيها بعض الحزن بس كانت علاقاتـي مع الناس والبنات زينة مرة كان ما فيه أحد بالمدرسة ما يعرفنـي إلا كم بنت ولو جمعنا البنات اللـي ما يعرفونـي يطلعون ثلاث أو أربع فصول يعنـي كانت معارفـي مرة كثيـرة وطبعاً أنا حافظة القرآن كامل من يوم عمري *10* والحيـن عمري *14* يعنـي كنت أشارك بالمسابقات عشان كذا كان ما فيه معلمة ما تعرفنـي وكنت مرة محبوبة منهم حتـى إن البنات كانوا يحسدونـي ويغارون منـي لأنـي كنت مرة ممتازة فـي القرآن وبالمواد الثانية عمري ما أخذت أقل من الدرجة الكاملة بأي اختبار المهم كنت مرة قوية بمعنـى الكلمة وكنت أحس (يعني رأيي عن شخصيتـي الحيـن) إنه ذاك الوقت ما كان عندي مشاعر ما كان عندي إحساس ما كان عندي قلب أحس إنـي كنت عايشة وقتها جسد بلا روح لأنـي كنت عايشة حياتـي سبهللة الـي براسـي أسويه مهما كانت العواقب ما أخاف من أي شـيء حتـىإنه فـيه مرة تهاوشت مع شلة من *7* أفراد لحالـي بالكلام طبعاً وكان كلامهم *يعنـي لو الحيـن قالوا لـي*يجرح مرة لكن وقتها أبدا ما انجرحت بالعكس هاوشتهم وهزئتهم وهم اللـي جاو بعدين وصالحونـي كنت معروفة بالقوة يعنـي جبل ما يهزنـي ريح أحد يقول لـي كلمة أرد عليه بعشر وعمري ما بكيت من أحد أو شـيء جرحنـي وإلـى الآن أنا كذا .
ثانياً:- *شخصيتـي الحيـن*:- امم تغيـرت كثيـر صرت أنجرح من أي كلمة ينقال لـي بس ما أبـيـن أبداً لأنـي ما أحب أظهر ضعفـي لأحد ومثل ما قلت عمري ما بكيت من أحد أو شـيء جرحنـي مع أنـي أنجرح من أتفه الأشياء حتـى لو كان مزح يعنـي مثلاً لو وحدة أكرها ناديتها وناظرتنـي وشمقت بوجهـي أنجرح مرة ويحز بخاطري هالتصرف وآخذ بقلبـي كثـيـر مع أنـي أظهر إنها ما تهمنـي وأكشر وأحياناً إذا صار ووحدة عادية جرحتنـي أضحك وأقول لها ايش فيها الحلوة منفسة أو شفيك أو أضحك يعنـي أصرف هالفعل أو الكلام اللـي جرحنـي بأي شـيء بس أهم حاجة إنـي ما أبـيـن إنـي انجرحت وما عاد صرت زي أول يعنـي لو أحد قال لـي شـيء ما أقدر أرد عليه مو ما أقدر أرد أنا أرد بس يعنـي قصدي مو زي أول بقوة أقدر أرد وأحياناً أصيـر أفكر وش لازم أقول وأنا أتناقش مع اللـي يهاوشنـي أو مسوي لـي فيها والمشكلة ما أعرف أرد بالأخيـر يعنـي شخصيتـي تغيـرت مية وثمانـيـن درجة بس طبعاً الكل يحسبون إن شخصيتـي حقت الابتدائـي رجعت لـي لأنـي أسوي نفسـي قوية وأنا من داخلـي أموت باليوم ألف مرة ولأنهم ما يدرون اللـي بقلبـي يقولون كذا طبعاً أنا فـي حياتـي ما فضفضت لأحد اللـي بداخلـي ولا أحد يعرف مشاعري يمكن يصيـرون البنات يعرفون لما أحب وحدة بس ما يدرون المشاعر العميقة .
** المشكلة **
أنا من أولـى ابتدائـي لـيـن خامس ابتدائـي كانت حياتـي مرة حلوة وعلاقاتـي مع الناس مثل ما قلت مرة حلوة المهم مرت هالخمس سنوات وجات السنة السادسة اللـي هـي سادس ابتدائـي وكان بداية جحيم حياتـي اللـي أنا أعيشه الحيـن تعرفت علـى وحدة اسمها شهد واللـي بنظري سر جحيمـي وعذابـي وكل شـيء سـيء بحياتـي لأنها من دخلت حياتـي بدت مشاكلـي المهم صادقتها وحبيتها مرة وكنا دايم نتـزاعل ونتسامح وكانوا البنات يقولون إننا سخيفات المهم هـي كانت تكرهنـي بس كانت تمثل العكس وأنا ما كنت أدري المهم انتهـى التـرم الثانـي لسادس بأننا متـزاعلـيـن وطبعاً معها ريما اللـي كانت تحبنـي موت قبل لا تجـي هالشهد المهم بدت السنة الثانية اللـي هـي السنة اللـي فاتت سنة أولـى متوسط السنة اللـي غيرتنـي وحولتنـي لشخص ثانـي تماماً السنة اللـي كانت جحيمـي بمعنـى الكلمة دخلت المدرسة وأنا حدي مهمومة وكارهة المدرسة من قلب مع أنـي أول كنت أموت فـي شـيء اسمه مدرسة المهم طلعت شهد معاي بنفس الفصل ومعنا صديقاتها اللـي كانوا معها من قبل لا تتعرف علينا وتصادقنا اللـي هم سديم وندى المهم سديم ذي إنسانة فلاوية لأبعد الحدود والكل يحبها لخفة دمها وأنا بعد حبيتها ويا ليتنـي ما حبيتها المهم مرت الأيام وصرت أمشـي مع سديم وندى أما شهد فصارت تكلمنـي عادي مع أننا متـزاعليـن مادري كيف بس إننا كنا نكلم بعض واحنا متـزاعلـيـن المهم مرت الأيام وأنا صرت أحس إن سديم تضايق منـي مع أنـي كنت أحبها مرة والكل عرف بهالشـيء حتـى إنـي والله أحل لها واجباتها وإذا طلبت شـيء مستحيل أقول لا حتـى لو كان علـى حساب حياتـي أنا يعنـي حبيتها حب مو طبيعـي كانت هـي تتحكم بسعادتي والله إنـي كنت أضحـي بكل شـيء عشانها تقدرون تقولون إنها لو طلبت عيونـي عطيتها وبدون أي تردد أو تفكـيـر طبعاً أنا حبيتها بهالشكل لأنـي زي ما قلت لكم كنت غبية وما عندي أي فكرة عن أنواع الناس وكذا يعنـي زي ما ينقال اللـي بقلبـي يجـي علـى لسانـي حبيتها لدرجة حتـى إن البنات شكوا إذا كنت أحبها حب صداقة ولا حب حب لأنها بنهاية التـرم الثانـي (بأولـى متوسط) زاعلتنـي هـي وشلتها وقالت لـي إنها كانت تكرهنـي من زمان وإنـي نشبة بس ما قدرت تقول لـي لأنها ما تبـي تجرح مشاعري لا والمشكلة ليتها وقفت علـى إنها زاعلتنـي وبس لا كانت تهينـي قدام البنات بأنها تصرخ علـي وتهاوشنـي مو ضرب يعنـي كلام حتـى فيه مرة قالت لـي ياختـي أنا أكرهك خلاص افهمـي أنا ما أبيك تحبينـي أنا أكرهك تفهميـن ايش معنـى أكرهك طبعا أنا كابرت وقلت إنـي أنا بعد أكرها هـي صرخت علـي وقالت لا تكذبـيـن ياختـي أبيك تكرهيـنـي صدق مو أي كلام اكرهينـي ياختـي اكرهينـي تخيلوا قالت لـي هالكلام قدام كل البنات بالفصل حتـى فيه مرة ضربتنـي بالكتاب علـى وجهـي وأنا سكت لها بحجة إنـي أحبها والبنات كانوا مصدومـيـن منـي لأنهم يعرفون شخصيتـي بالابتدائـي وشلون كانت يعنـي كيف أسكت علـى سديم ؟كان هذا الشـيء بالنسبة لهم زي الصاعقة المهم صرت وحيدة مرة لأن بنات فصلـي ما كانوا يكلمونـي لأن سديم قالت لهم كلام كذب عنـي وخلتهم يزاعلونـي وبالفسحة كنت أمشـي مع بنات من فصول ثانية لأنـي كنت أعرفهم كلهم المهم كنت أشوف سديم تسولف وتضحك مع البنات وأنا كنت أموت بداخلـي غيـرة وقهر وحسد ليش كل الناس يقدرون يكلمونها ويسولفون معها وأنا لا ليش كل الناس تحبهم وأنا لا لييششش كان هذا تفكيـري بذاك الوقت وكنت أغار أكثـر شـيء من ريما اللـي كانت صديقتـي قبل لأن سديم صارت تحبها مرة ودايم تقول لها تعالـي جنبـي ودايم تسولف معها وحتـى قالت لشهد خلـي ريما تجـي معنا وتصـيـر وحدة من شلتنا أنا كنت دايم أناظر سديم نظرات شوق وحب وإذا ناظرتنـي أسوي نفسـي ما كنت أناظرها المهم انتهت السنة وبدت هذي السنة وقبل بداية المدرسة بكم يوم يعنـي بالحج جاتنـي شهد واعتذرت لـي (طبعاً قبل ما تنـزاعل أنا وسديم كانت شهد مرة تحب سديم وأنا كنت أنقهر وأغار لأن يعنـي هالشهد ما حبت سديم إلا يوم أنا حبيتها يعنـي ما حبتها بقوة لما كانت صديقتها والحيـن لما أنا حبيتها بقوة حبتها ؟؟ أنا انقهرت مرة من هالشـيء وطبعا شهد كانت مع سديم لما زاعلتنـي يعنـي كانت وحدة من شلة سديم) المهم اعتذرت وقالت إنها هـي وسديم تهاوشوا أنا شوي حسيت إنـي كرهت سديم وما صدقت شهد بس لما شفت الحقيقة بالمدرسة تأكدت المهم خامس يوم من بداية المدرسة تهاوشنا مع شلة سديم ضرب (أنا وشهد وريما رجعنا صديقات) ونقلوهم فصل ثانـي وأنا طبعا بينت عكس اللـي بداخلـي وأظهرت إنـي فرحانة إن سديم بتنقلع مع إنـي كنت مشتاقة لها حيل وباقـي ما شبعت من شوفتها المهم زادت العلاقة سوء بس بعد كم شهر قررنا نعتذر لهم عشان تنرفع أعمالنا أنا طرت من الفرح لما قالت لـي شهد كذا يعنـي أخيـرا بنتسامح أنا وسديم الزبدة اعتذرنا لها بس هـي ما قبلت بعدين قبل لا تطلع من فصلنا اعتذرت لها بشكل خاص بس ما قبلت وقالت إنه فات الأوان مع إنـي متأكدة إنـي ما سويت لها ِشـيء غيـر الهوشة المهم جاء أسبوع تزاعلنا فيه أنا وشهد فأنا رحت اعتذرت لسديم مرة ثانية أولا لأني أحبها وثانيا لأنـي أبـي أقهر شهد بس هـي ما قبلت الزبدة بعدين رجعنا أنا وشهد صديقات من جديد وتعرفنا علـى وحدة اسمها بثينة عادي هذي البنت أنا مرة حبيتها ودخلت قلبـي بس للأسف زاعلتنـي بعد كم شهر من تعارفنا لسبب ما أعرفه طبعا أنا ما اهتميت وانتهـى التـرم الأول بتـزاعلنا أنا وشهد لسبب سخيف جدا جداً وأنا أول ما تزاعلنا (كان أتوقع ثالث يوم بالاختبارات النهائية) رحت سامحت كل شلة بثينة وانتهـى التـرم الأول وأنا فرحانة لأن أغلب البنات مزاعلـيـن شهد ويكرهونها المهم بدى التـرم الثانـي وعرفت إن بثينة ما سامحتنـي وأنا حبيت صديقتها دارة مرة يعنـي تقدرون تقولون تعلقت فيها مثل ما تعلقت ببثينة وسديم (طبعا عمري ما تعلقت ولا حبيت أحد كثـر هالثلاثة يعنـي لو أحد تركنـي أو شـيء ما راح أتأثر لأن كل الناس مو مهميـن بحياتـي إلا هالثلاث أما سديم حالة خاصة أنا أحبها حب حب مو حب صداقة وطبعا أي شخص يقرى كلامـي راح يفهم غلط بس أنا ماحبيتها بقلة أدب أنا أصلا ما كنت أدري إنـي أحبها حب حب إلا لما قريت موضوع كيف تفرق بـيـن الحب والإعجاب) المهم الحيـن حاليا سديم علاقتها معـي أقدر أقول تحسنت لأنها ما صارت ترمـي علـي حكـي أو نظرات مثل أول لأنـي فيه مرة بالاستقرام عاتبتها وفجرت اللـي بداخلـي لها وعاد هـي من يومها مدري يمكن حست بتأنيب الضميـر وتغيـرت الله أعلم.
الحيـن المساعدة اللـي أنا أبغاها.
أولاً:- سديم أنا أبـي أسامحها مرة لأنها أول حب بحياتـي ويقولون أول حب بحياتك مستحيل تحب أحد مثله ويمكن أحيانا أحس إنـي أكره سديم بس إنها لو قالت لـي كلمة تتبخر مشاعر الكره وأرجع أحبها من جديد وأكثـر من أول تكفون أبـي أي طريقة أسامحها فيه للمعلومية ترى سديم ما تطيقنـي تكرهنـي مرة وقد مرة سألتها ليه تكرهنـي قالت كل شـيء فيك أكرهه فـ أنا ما أدري هـي وش تكره فينـي بالضبط والله لو أعرف أعدله ولو تبي أعدل كلي بعد لعيونها بس عشان ترجع لـي أعرف اللـي أسويه غلط إنه يعنـي ما يصلح أتعلق بالناس وكذا بس وش أسوي أنا أحبها الحيـن صار لـي أحبها سنة وست شهور يعنـي مو شـيء سهل .
ثانياً:- بثينة أبـي أسامحها هـي آخر مرة كلمتها كان أتوقع الأسبوع اللـي فات أو اللـي قبله سألتها عن سبب زعلها منـي وعيت تقول لـي وسألتها إنـي يعنـي وش أقدر أسوي له عشان تسامحنـي قالت مادري طبعا بثينة تشبهنـي فـي إنها يعنـي تظهر عكس اللـي بداخلها وتضحك وتمزح رغم اللـي بداخلها أغلب البنات ما يبلعونها لأن شخصيتها شوي صعبة وما تعطـي وجه إلا لصديقاتها بس أنا ما أدري ليش حبيتها مع إن كل شـيء فيها معقد فيها غرور بعض الشـيء إذا شافتنـي ترجع شعرها لوراء بغرور أحسها تغتـر كأنها تقول لـي (انتِ تحبينـي وما تقدرين تستغنيـن عنـي) أنا أحس كذا والله أعلم بنياتها.
ثالثاً:- دارة أنا أحبها مرة بس علاقتـي معها سطحية نوعا ما مو سطحية يعنـي مو بذاك العمق أبـي أعمق علاقتنا أو صداقتنا أو اللـي هو وأنا أنقهر مرة إذا شفت سديم أو شهد معها يعنـي أغار مرة وبكرة عندهم مشروع ستيم وشهد ودارة وبعض البنات راح يروحون مكان مدري وش هو مع بعض وأنا مقهورة مرة ودي لو ينلغـي ولا تروح شهد مع دارة .
الله يسعدكم يا بناتتت بليزز سااعدوننني والله لادعي لكم بظهر الغيب أحتاج لكمممم والله لأنيي ما أحبب أفضفض لأحد أخلي هموي لنفسي لين ما أحس إني راح أموت .
دمعهہ ألم .. @dmaah_alm_6
عضوة جديدة
يلزم عليك تسجيل الدخول أولًا لكتابة تعليق.
فوفا 💞
•
يااختي انتِ باقي صغيرة ماعليك من حب وماحب كلام فاضي
الصديقات ماوراهم الا وجع راس
خليك قريبة من امك خواتك قريباتك
وصديقاتك خلي بينكم صداقة عادية لاتتعلقي باحد
الصديقات ماوراهم الا وجع راس
خليك قريبة من امك خواتك قريباتك
وصديقاتك خلي بينكم صداقة عادية لاتتعلقي باحد
الحين عرفت بنتي كيف تفكر
وااضح انك مفتقده للحب في حياتك العائليه..
سيبك من سالفة حب وماحب خرااابيط اطفال راح تكبرين عنها بسرعه ان شاء الله وحاولي تهتميين بدراستك وتكوني متفوقه ولا تعطين اهتمام زايد لاي بنت خلي علاقاتك صداقه خفيفه للجميع
لان لاحظت ان كل البنات اللي حبيتيهم خلو علاقتهم فيك صداقه خفيفه ويزاعلونك على اتفه سبب فخليك زيهم وخذيها تسليه زيهم بس تمييزي عنهم بتفوقك هنا راح تلفتيينهم وراح يجونك رككض وانتي اثثقلي وكذا
وبالتوفيق
وااضح انك مفتقده للحب في حياتك العائليه..
سيبك من سالفة حب وماحب خرااابيط اطفال راح تكبرين عنها بسرعه ان شاء الله وحاولي تهتميين بدراستك وتكوني متفوقه ولا تعطين اهتمام زايد لاي بنت خلي علاقاتك صداقه خفيفه للجميع
لان لاحظت ان كل البنات اللي حبيتيهم خلو علاقتهم فيك صداقه خفيفه ويزاعلونك على اتفه سبب فخليك زيهم وخذيها تسليه زيهم بس تمييزي عنهم بتفوقك هنا راح تلفتيينهم وراح يجونك رككض وانتي اثثقلي وكذا
وبالتوفيق
عادي المرحله هذي تكون نفسيتك وشخصيتك غير مستقره
مرحله مراهقه ونتقال من مرحلة الطفوله الي مرحلة الشباب
السنوات القادمه راح تستقر نفسيتك وشخصيتك وتكونين طبيعيه
الان ربي رزقك حفظ القران استمدي قوتك وشخصيتك منه
وتوكلي على الله اهم شي راجعيه ولا تنسينه موفقه
مرحله مراهقه ونتقال من مرحلة الطفوله الي مرحلة الشباب
السنوات القادمه راح تستقر نفسيتك وشخصيتك وتكونين طبيعيه
الان ربي رزقك حفظ القران استمدي قوتك وشخصيتك منه
وتوكلي على الله اهم شي راجعيه ولا تنسينه موفقه
الصفحة الأخيرة
ولكن بقولك شي ماشفتي من الحياة شي لسى انتي طفله تعتبرين اليوزر نيم اكبر من عمرك خليك متفائله بالحياة ياقلبي
وموضوعك هذا بترجعين له بعد خمس سنين وبتضحكيييين عليه // رجعت لمنتديات كاتبه فيها قبل ١٦ سنه يوم انا بعمرك وضحكت من كل قلبي على مشاركاتي ههههههههه
لاتعطين الامور اكبر من حجمها وانتي بمرحلة انتقال من الطفوله للمراهقه فالهرمونات تلعب هالوقت وانتم يالجيل الجديد تعرفون هالامور مايحتاج فلاتجلدين نفسك
حياة سعيده ياجميله 💞