بنات بليز محتاجه دعاء بظهر الغيب.. قصتي

السلام عليكم
كيفكم بنات.. انا مدمنة على هالقسم.. بنات بليز محتاجة انكم تدعولي حتى لو ماكتبتو بس ادعولي بثبات الحمل

وقصتي اذا كنتو فاضين وعندكم الفضول عشان تعرفو السالفة
انا عندي ولد 9سنوات وبنت 5سنوات واجهضت 3 مرات.. اخر اجهاضين كانو ورا بعض بينهم 4 شهور من سنتين ومن بعدها صارعندي رعب من حاجة اسمها حمل لان الاجهاض تجربة صعبة في وحدة منهم كنت بموت ولوحدي انزف وفقدت الاحساس بالدنيا يارب الاجر.. بس صار وين ما اروح هلكوني الحريم ليش ماحملتي ويالله بلادلع احملي.. ووحدة قالتلي نحنا نعرف انه سالفة الاجهاضات كلها مش حقيقية وروحي تعالجي وشوفي ليش صرتي ماتنجبين!!
:44:
آخ بس المهم قبل 4شهور قلت يابنت كفاية جربي احملي جسمك مستعد وعملت لي الدكتورة كل الفحوصات وقالت لي كله تمام ومافيه سبب واضح للاجهاض احملي وبنتابع حالتك طبعا اخذت مني الشي الفلاني للفحوصات.. وقلتلها اريد كلوميد عشان يزيد فرص الحمل قالت طيب واخذتها شهرين وهذا الشهر الثالث حسيت اني حامل لانه آلام الدورة جات قبل عشر ايام من موعدها ولوعه بس قلت اخاف افرح وبعين تنزل زي الشهرين اللي فاتو.. تأخرت يومين ماصدقت جبت التحليل المنزلي وطلع خط باهت مرة رحت طيران العيادة وعملت فحص دم وطلع الهرمون بس 16 !!!
:44:
ورجعت الذكريات القديمة والخوف والترقب.. اخاف حمل ضعيف وينتهي باجهاض بس قلت يمكن حمل ببدايته مابان لسه.. ورحت للدكتورة وعملت فحص للبول وانتو بكرامة وقالت سلبي مافيه حمل!! قلت لها بس الدم ادق وفيه حمل
قالت تعالي عيديه بعد اسبوع مازال فيه شك.. ومن خلال بحثي بالنت وجدت انه نسبة الهرمون اذا تعدت 25 فيكون حمل.
آخ ياربي ارحمني برحمتك وانزل بقلبي الطمأنينه
ورمضان جاي ما اعرف وضعي ادخل المطبخ ولا لا.. لأن شغالتي جديدة وماتعرف للطبخ كثير بس زوجي الحمدلله متفاهم وخاطره بالحمل.. عارفة طولت بس حبيت افضفض

بنات بليز ادعولي بثبات حملي ويرزقني الحمل السليم المعافى ويتمم علي فرحتي
يارب انت قادر على كل شئ