بنات بنات تعالو شوفوا خدودي حمر مثل التفاح وتلمممع

السلام عليكم خواتي الحلوات..

عندي لكم خلطه تجننن سويتها بالصدفه قبل عرسي وماشاالله تبارك الرحمن
خدود ورديه وصفاء ولمعان وإشراقه وباي باي ياحبوب واستغنيت تماماً عن الكريمات المرطبه للوجه

الخلطه:
مُرّه منقوعه ( يعني تشترون مره من عند العطار وتنقوعنها بمويه وتاخذون المحلول)
عصير ليمونه
ماء ورد


الطريقه:
تخلط المقادير السابقه مع بعض بكميات متساويه ويمسح بها الوجه على فترات اثناء النهار وقبل النوم وتترك على الوجه إذا حبيتوا حتى وانتم نايمين تكون النتيجه وجه يجنن الصبح

النتيجه:
من أول استخدام ونتيجه فوريه بعد

للأمانه:
انا استخدم معاه مقشر الزيت الأخضر الفلبيني وتلقونه عند العطار.. أدهن فيه وجهي ماعدا حول العيون وبعد مايجف احط الخلطه هذي بالقطنه.. وأنام فيها واأقوم الصبح واجيب ليفه خاصه بالوجه من بودي شوب او منشفه او حتى الليفه المغربيه وأغسل وجهي بماء دافي او لو تحبون سوو بخار للوجه يكون افضل وافرك بها وجهي على خفيف مره ثم ارجع احط من الخلطه هذي لأنها مثل التونك اقسم باالله العظيم ماودي اوخر عن المرايه من كثر ماني منهبله بالنتيجه.

نوع وجهي: مختلط ، مليء بالحبوب اشكال الوان ، زيوان ، سمار وشحوب في بعض المناطق، وأثار حبوب قديمه

انا سويت هالطريقه قبل عرسي وسبحان الله صرت شي ثاني ثاني
وعقب العرس تركتها ورجعت مثل اول لأن يابنات أي شي والله لولا الإهتمام يذبل
والحين رجعت لها تدرون ليش؟ لأن عرس سلفتي عقب اسبوع وتعرفون عاد المقارنات وحركات الحريم وقلت لنفسي يابنت مالك إلا انك ترجعين للخلطه هذي..

ملاحظه مهمه:
الزيت الأخضر الفلبيني ماأحطه كل يوم يعني مره بالأسبوع او مرتين فقط..


ملاحظه أهم:
انا بنت كسوله مره مره يعني لو مارديت على احد لاتزعلون مني خصوصاً ان كل شي كتبته لكم وتكفون ادعوولي تكفون ياغاليات

سلام