السلام عليكم ورحمة الله وبركاته
يااخواتي بدخل في الموضوع علطول
بنتي نور عيوني وقلبي وروحي هي اكبر وحده من عيالي
عمرها بقي لها شوي وبتدخل 14 بتروح لثاني متوسط
وعندي لها اخو توه باولى ابتدائي وبنت تو عمرهاا 6 شهور
المهم بنتي المراهقه الكبيره كانت تبي تنتحررر
قبل كذا اسبوعين مدري كم بضبط بس بعد ماخلصنا العيد وكل شي
بعدين كانت سرحاانه بعدين قامت قلت لها وين بتروحين
قعدت زي كأنها تدور شي تقوله بعدين قالت بروح اتسبببح
المهم رقت فووق البنت طولت يمكن قعدت اكثر من سااعه قلت كل هذا تتسبح رقيت اشوفهاا
ولقيتهاا طاايحه على سريرهاا كنت احس انهاا نايمه كنت ابدخل عشان الحفهاا ولقيت مرره وجها متغير وشفايفها زرق ولقيت جنبهاا علبة حبووب
فعلطول رحنا بها للمستشفى فسوا لها عملية غسيل كلى وكان دمها تسمم لان طولنا وغيروه لها
يقول الدكتور لو انكم متأخرين شوي كان يمكن تروح ((تموت))
ودخلت يوم كامل في العناية بعدها صحت من غيبوبتها
الحمدلله فدخلت عليهاا وكاانت مرره تبكي من قلب فمسكتني كانت تقولي ماما انا مهمومه انا تعبااانه كثير ماما امسكيني وكانت مرره تقرب لم حضني ((صدري)) كنت ابي اسألها بس السستر دخلت علينا تبي تسحب منها دم ..
بالقوة مسكوها بعد غثاا سحبوا الدم منهاا بعدين عطوها ابرة تخدير قعدت اياام ماسألتها وداايم تمسكني مااتبي تفكني وكاانت كثير خاايفه قلت يمكن عشانها بالمستشفى وكذا
المهم طلعنا من المستشفى رجعت للبيت كلما قربت منهاا راحت حطت راسها على حضني وتقول ماما ابي امااااان لاتروحين عني تكفيين وتقعد تبكي ثمن قالت لي مرره ماما ساامحيني اني سويت كذا .. قصدها سامحيني اني كلت الحبووب
وكلما سألتهاا وش فيك تناظرني ثمن تناظر تحت وثمن تنزل دموووعها وتقعد تبكي احس انها ودها تقول بس في شي ماسكها ماادري في احد مضيق صدرها مدري انها سامعه شي
حتى ابوهاا سألها وحتى جدتها مارضت تتقول لنا شي
فصرت داايم امسكهاا واقراء عليهاا احسهاا ترتااح كثيرر لدرجه بعض الاحيان انها تنام
رحت لدكتور وقلت له قال ودوها ملاهي اي شي وديتها ملاهي بس كانت متمسكه بي وباأبوهاا
اول كانت تقول ابي ألعب ذي او ذي الحين لا تقول ابي ارجع للبيت
بنات انا الحين ابي اسعدها اكثر من ابي اعرف السالفه
بنات بنتي احسهاا ذبلانه كثير احسها خايفه من شيي
بنات قلبي يتقطعع ان شفتهاا بنتي ماتجف الدموع من عيونهاا وهذا يمكن ثااني اسبوع او دخلنا في الثالث بعد
اخواتي انا خاايفه عليها كثيررر لا تقولون يمكن انهاا فاقده حناان وكذا لا والله اني اناظرها مناظر عيوني وحريصه عليهاا واعطيها كل شي تبيه الهدايا لازم اي مناسبة اروح اشتري لها هديه
مااكنت اغصبها على اي شي ماتبيه
ولا تقولون يمكن انها تلتفت الانتبااه لهاا لا والله في قليب بنتي شيي بس مارضت تقول
اول كنت فرحاانه لانها كلما صار لها شي تقولي اي شي تسمعه غريب تقولي وكنت متوقعه انها ماراح تخبي علي شيي آآه بس يااعمري يابنتي
ابغا ارفهاا بس ماتشجعت ابد وحتى اسبوع كامل ماراحت لاختها واخوها كانت كثير تحبهم
رحت اخذت اختها واخوهاا ودخلتهم غرفتها بس بوستهم على خدودهم بس تبي تجاملني
ويوم الخميس وديتها المكتبه وخليتها تشتري اللي تبي حتى انها ماكانت تشتري يعني مو مثل اول كلهاا تجاملني صار مالها خلق ابد
بس انا اعرف القلامه اللي كانت تحبها فحطيتها وكلما شفت شي كانت اول تحبه حطيته
في سلتها بعدين حست وصارت تشتري مثل اول
كنت متوقعه انها بترفض انها تروح للمدرسة بس اشووا رااحت
عاد بنات انا خايفه ان ينزل مستوااه او سلوكها بالمدرسة حتى يمكن نفسيتها تخرب ضايق صدري عليها مرره حتى اليوم ألمسها احس بتبدا تجيها الحراره والسخونه وتعبانه مرره يمكن اغيبها حتى وجهاا خاافت احسهاا جسد بدون رووح نتكلم ولا مانتكلم دايم سرحاانه
حتى الاكل مااتحرص عليهاا لاززم اجي ااكلها غصب كأنها توها صغيره
اخواتي اعتبروا بنتي مثل بنتكم والله اني خايفه عليها وضاايق حيل صدري
وش اسووي سااعدوني الله يخيلكم ويخلي لكم بناتكم وعيالكم
تكفون ساعدونيييي واعدول لها
حتى شوفوا اسمي مشبك لاني كنت اسرع وانا اكتب خايفه كثير عليها
كنت متوقعه انه يتفعل بسرعه بس قعدت يومين وتفعل اسمي
بنات الله يخيلكم سااعدونني قلبي بيتقطع عليها
:44::44::44::44:
كلي طيبهوحنية @kly_tybhohny
عضوة جديدة
هذا الموضوع مغلق.
الله يلطف بحالك وحالها روحي المدرسة وارسلي عليها مدرستها او صديقتها اللي تحبها بدون ماتدري انك من ارسلهم وخليهم يسألونها وش فيها
الحمدلله على سلامتها وديها اخصائية اجتماعية يمكن فيه شيء مضايقها .. وانت احضنيها بدون ماتطلب منك . الله يصلحها ويفرج لك ويفرج لها
يمكن احد متعرض لها ولا شي حولي تسالينها ولا وديها المستشفى يفحصونها لان غريبه فاجاه وهي صغيره كذا تحول تنتحر ولا تتكلم وش فيها ويارب مايصير فيها شي وترجع لك مثل قبل ياربيمكن احد متعرض لها ولا شي حولي تسالينها ولا وديها المستشفى يفحصونها لان غريبه فاجاه وهي...
الله يريحها يارب بس لازم طبيب نفسي
كلميها باستمرار وناقشيها وتقربي منها حتى تصارحك بالسبب..
لاتتهاوني بالموضوع وتحطين احتمالات من عندك..
هذا انتحااااار ماهو زعل بسيط..
لازم تعرفين السبب بأي طريقة..اليوم قبل بكرا..
استغرب يجيك نوم من بعد الحادثة وانتي مابعد عرفتي السبب..
لاتتهاوني بالموضوع وتحطين احتمالات من عندك..
هذا انتحااااار ماهو زعل بسيط..
لازم تعرفين السبب بأي طريقة..اليوم قبل بكرا..
استغرب يجيك نوم من بعد الحادثة وانتي مابعد عرفتي السبب..
الصفحة الأخيرة
لان غريبه فاجاه وهي صغيره كذا تحول تنتحر ولا تتكلم وش فيها
ويارب مايصير فيها شي وترجع لك مثل قبل يارب