يا قلبي أنا برضه مسافرة الأسبوع الجاي بغذن الله و معاي بيبي عمره 3 شهووووووور الله يحفظه و يعيننا عليييييييييييييييييييه و الله مدري كيف بتكون السفرة معاه..
أقول سافروا و انبسطوا و تجون بالسلامة ..
إلا فضول..وين مسافرين؟ :)

هلا اختي
والله الله يعينك الأطفال مشكله وانا مجربه ينكد علينا بكل مكااااااان

لكن انتي مضطره وش تسووين لاترحمين نفسك
بس انتي اذا المكان بارد اهم شي تدفينها وخوذي لها خافض للحرارة وتحاميل اهم شي

والله يعينك

ياعمري شكرا لكم مره مره
الله يعين باخذها واللي يصير يصير
تسلمون عالتفاعل ياحبيلكم كلكم

يا حبيبتي بالعكس انتي أمها وانتي أكثر انسانه متعلقه فيها وهي بعد أكيد متعلقه فيج واذا تبين تتأكدين غيبي عنها يوم كامل وخليها عند أي حد وشوفي اشكثر بتشتاق لج ..

والله أنا كنسلت سفرتي بسبب ولدي .. زوجي يبغينا انسافر وأخلي ولدي عند أهلي ..
بس رفضت وصحت وحنيت وحاولت وياه انه انشيله لكن الحبيب يخاف يتنكد وما يستانس بسبب ولده ... وقلت له اذا ما بتشيل ولدي وياي ما بسافر وياك وبالفعل سافر ويا ربعه وخلانا .. إهيء إهيء ... صح زعلت بس في النهايه ولدي أهم من كل شي ..

ما في حد في هالدنيا كلهـــــــــــــا ممكن يحل مكانج ويهتم في بنتج مثلج ... في كل أمور حياتها .. من لبسها الى اكلها الى مرضها الله لا قال الى لعبها وغييييييييييره ....

أنا مرات أطلع واخلي ولدي مع اهلي وأطول في الطلعه تقريبا أربع ساعات ويوم أرجع أشوف ولدي ملتهب له منطقه الحفاظ .. ليش لانهم ما يفكرون في هالشي أساسا وما يشيلون همه ويتكاسلون انهم كل اشوي مغيرين له الا اذا شموا ريحه ..!! قلب الام غيــر على عيالها ..

و بنتج في عمر الزهور وهالعمر هو أحلى عمر .. صح أنا وياج انهم مزعجين و فوضويين و يرفعون الضغط مرات ومرااات .. بس والله حلوين ومعاها وناستكم بتزيد والله ..
مثلا بعض الرجال ما يحبون يسيرون الملاهي مثل زوجي مثلا .. لكن علشان خاطر ولده يسير ويا حبي للملاهي .. حتى لو ما لعبت أحس فرحه الاطفال وهم يلعبون ويركضون جدام عيوننا ترسم الابتسامه على قلوبنا .. وصدقيني بنتج بتستانس وبتفرح واااايد في هالسفره ..

واذا انتي تبين تسعدينها بتقدرين ان شاء الله بأكثر من طريقه ..

المهم والاهم .. تاخذين حقها أشياء تلهينها فيها في وقت الازمات .. مثل بسكويت الاطفال .. شيبس ونوعي كذا نوع حتى لو ما جربتهم من قبل .. حلويات خفيفه مناسبه لعمرها بس ابتعدي عن الحلويات الملونه لانها مضره .. عصاير .. وألعاب غريبه عليها وشكلها ملفت وأنصحج تاخذين جوله في مركز التعليم المبكر قبل سفرج وتاخذين حقها لعبتين خفيفات وحلوات ولا تخليها تشوفهم الا في الطياره ..

وحطي في بالج شي مهم ... انتي أم .. يعني راحتج من راحة عيالج وفرحتج من فرحتهم ...

وروحي ويا عيلتج كلها و استانسي وغيري جو والله يسعدكم يا رب ..

وتروحوا وترجعوا بالسلامه وحفظ الله ...