بنات بنتي حالتها غريبه وتخوف

الله يسعدكم يامشرفات لاتنقلون الموضوع لحد ما الاقي اجابه .
بنات بنتي عمرها 6 سنين نامت امس الفجر بخير مافيها شيء وصحيت العصر وجها احمممرر ومورم وكل ماله يزيد لدرجة جبهتها صارت كأنها منفوخه مويه وجها احمر اللي يشوفها يحسبها صبغه وعيونها مورمه وخدودها بأختصار وجها كامل منفوخ مره يخوف كل من شافها انفجع من اللي صاير فيها ابوها مسافر وماحصلت اخواني يودونها المستشفى رحت عند اهلي ادور لهم حصلت اخوي الكبير قال خليها لحد مايجي ابوها مافيها شيء وابوها ماراح يجي الا يوم الاحد هو مرابط على الحد وحتى ماقلتله ماودي اشغل باله كل ماسأل عن عياله اقول بخير والله اني في هم ومحتاره وش ذا الحاله اللي جتها .
شكيت في مناكير انها حطتها في وجها بس هي مارضيت تقول ايش اللي حطته في وجها هو غسول او مناكير او مكياج ما ادري اسألها ماترد تقول ما ادري هو كذا جبتها بالمدح مافاد جبتها بالتخويف مافاد تقول ماحطت شيء جاء في بالي انها اكلت شيء تحسيت منه بس اكلنا ماتغير فيه اي شيء ماعد ادري وش السبب في الانتفاخ كلمت اخوي الصغير يوديها المستشفى قال بكره والله عجزت فيهم يشوفونها وعادي اخاف يكون وذمه وعائيه ماعد ادري من حصل له كذا وايش طلع السبب