بنات بنفجر من القهر خففو عني
السلام عليكم انا يدي ترتجف ودموعي ماوقفت من القهر حسبي الله ونعم الوكيل انا يابنات مره طيبه وعلى نياتي ومره امون على ام زوجي وخواته احبهم واحترمهم واساعدهم واستانس مع القعده معهم والسواليف معهم لكن اللي صار امس مرررره صدمني بقول السالفه وانتم احكمو زوجي طلع مع خواته شاليه وكنا نسولف ونضحك وبعد ماتقهوينا رحت برضع بنتي وانومها دخلت القسم الثاني وبعد بنتي مانامت كانت اصواتهم عندي بالقسم صح مخفضين صوتهم بس اسمعه تخيلو مستلميني تعليق وطقطه ماخلو فيني شي ماعلقو عليه حسبي الله ونعم الوكيل والله كان احد صب علي ماء بارد جاني احساس فضيع صدمه حاسبتهم مثل خواتي يتشكون لي اكثر من زوجي اخفف عنهم واواسيهم واساعدهم ويجازوني بكذا والله دمعتي ماوقفت ومقهوره مدري كيف اتصرف اخاف يوضح شكلي عند زوجي انا مااطيق اجيهم الحين ولا اطالع بوجيههم حسبي الله ونعم الوكيل
51
18K
يلزم عليك تسجيل الدخول أولًا لكتابة تعليق.
كنت اسمع باللي يقولون خليك رسميه مع اهل زوجك لكن والله عادتهم مثل خواتي اول لا هم طيبات وانا كويسه معهم الحين مادري كيف ابين لزوجي لاني مني طايقتهم
hnoooo
•
لاتعطين احد اكثر من حقه ولاتضنين اهل زوجك زي اهلك مهما كانو طيبين خلي حد لكل شي واعطي بدون مقابل احتسبي الاجر من الله وربي مايخيبك
مناريتا
•
لاتزعلين ولاشي خليهم بتجيكي حسنات منهم وتعطيهم ذنوبك انبسطي وسوي اللي يرضي ربك وحطي حدود بعلاقتك معاهم يعني لاتفكين مره الميانه وتصيرين طيبه بزياده معاهم وبس انتي الكسبانه في النهايه
الصفحة الأخيرة
بعلمك
الاسلوب الصح اللي لازم تاخذينه من اليوم و رايح معاهم
هي. "الرسمييييييييييية"
لا تقلين ادبك
لا تحقرينهم
لا تقللين من قدرهم
لكن مجرد رسميتك معاهم بعد م كنتي موّانة راح
تخليهم يستحون على وجههم
طبعاً (لاااا تناقشينهم بالموضوع نهااائي) ولا تفتحينه✋🏻❌❌
خليهم على نااار
خليهم يندمون
خليهم يقعدون يفكرون مليون مرة
"ياربي هي سمعتنا ؟ ولا ما سمعتنا؟ طيب هي تغيرت معانا اكيد سمعتنا.. طيب كيف نفاتحها بالموضوع و نعتذر ؟ ممكن من البداية ما سمعت و بس بنحرج انفسنا؟)
بالمختصر
اسكتي و خليك رسمية و تغيري تماماً و خليهم هم يحترقون ب افكارهم و ينحرجون منك و يصيرون يضربون لك الف حساب
و زي م قلت لك لا تفتحين سيرة ابداً
عشان كذا دايم اقول خلوكم رسميين مع اهل ازواجكم مهما بلغت الطيبة و المحبة 💔💔