هلااااااااااااا

انا ربيعتي سارت مركز سليمكير للتجميل والتنحيف في شارع حمدان ( مركز ليوا )

وكانت زايده عن وزنها 10 كيلو ..

بالبداية عطتها الاخصائية ريجيم عشان تنقص ال 10

وقالت لها بعد ما تنزلين تبدين الجلسات وكانت 13 جلسة ..

ومع الجلسات لازم تمشي ساعه او نص ساعه ..

وما شاء الله وضح عليها وعلى فكره هالجهاز يشد الجسم

اكثر من انه ينحفه ..

ودفعت 1600 درهم .. للجسم كامل ...

الاخت بنفسج2006


ما اعتقد انهم يسوونه للاوزان الثقيله ..

وانا افضّل هالشي

لان الاخصائيه قالت لربيعتي ان لازم تنقصين الزياده في وزنج

عقب تسوين الجلسات

لانه حرام تسوين الجلسات وبعدها تبدين بريجيم اذا نقصتي الوزن عليه

يمكن يرد الجسم يترهل مع التغيرات الجديده وبالتالي تكونين ما استفدتي من الجلسات

نقصي وزنج الزايد وروحي لهم عشان تتخلصين من السيلوليت والترهلات

وينشد جسمج .. وتكون مره وحده تنحيف وشد ..

مشورة اختي على الرد
جزاج الله خير

عزيزتي ورود
فترة الريجيم كانت هي نفسها فترة العلاج بالأجهزة يعني تقريبا 5 أسابيع
في البداية عطوني ريجيم بروتيني وقالوا لي جربيه أسبوع وبنشوف هل تقدرين عليه أو لأ
بصراحة في الأسبوع الثاني خليت الدكتورة تضيف لي النشويات لأن ماعجبني البروتيني
كنت سلمج الله أنزل في الأسبوع بين كيلو ونص إلى كيلوين
الريجيم كان هو اللي ينزل وزني في الأساس والأجهزة تساعد في تكسير الدهون وشد الجسم لأنها بدل الرياضة يعني في هذيك الفترة ماكنت ألعب رياضة معتمدة على جهاز النبضات بس
وبالنسبة للقياسات .. كانت كل منطقة في جسمي تختلف عن أختها يعني في أماكن نقصت وايد مثل الجناب تقريبا 9 سم (وأنا للحين ماقادرة أصدق .. أقول يمكن خذوا قياساتي غلط في البداية لكن كل شي كان مسجل عندهم) وفي أماكن أقل يعني 3 - 4 سم لكن فعلا تلاحظين الفرق الكبير
أما سعرهم فكان عندهم عرض خلال الصيف ودفعت للجهازين( 18 جلسة لكل جهاز) 2400 على ما أذكر

بالنسبة لي بعد ما تركت المركز ما رجعت الوزن بسرعة لكني أهملت وأهملت وايد خصوصا بعد الزواج كان ريلي شايفني ضعيفة وايد رغم إن جسمي كان حلو ومليان فكان يأكلني وايد وطبعا بعدها حملت وزدت بعد الحمل والولادة وألحين رجعت أسوي ريجيمات ورياضة عشان أنحف من ثاني ..
هذي تجربتي وأي سؤال أنا حاضرة

إنت سألت بعد عن نادي رياضي
بصراحة أنا مشاركة ألحين في نادي حواء للرشاقة في شارع المرور .. وشايفته وايد زين .. عندهم 10 أجهزة لكل منطقة بالجسم .. تستخدمين كل جهاز مدة دقيقة وبعدها نص دقيقة على جهاز النط أو الاستب الأرضي وبعد ما تخلصين كل الأجهزة ممكن تلفين عليها مرة ثانية ولما تخلصي من هاي المرحلة تنتقلي لجهاز المشي الكهربائي وبعدها السيكل أو الاستب الكهربائي وبعد الأجهزة تعطيج المدربة بعض التمارين الأرضية للبطن والسواعد وأي منطقة تريدينها للجسم .. بصراحة أنا عجبني وبديت فيه .. وهو مفتوح من الساعة 9 الصبح لين 9 بالليل وتقدري تسيري في أي وقت .. أنا أسير له بعد الدوام عشان يكون فاضي وآخذ راحتي بالأجهزة.

موفقة عزيزتي لعالم الرشاقة ونحن معاج بعد :)