بنات بوظبي الي بيتها بالشامخه تدخل ونساعد بعض *_^

فكرة جميلة
دائما نزلاء المجمعات السكنية لهم نفس الهموم في الديكور
وجميل ان نتبادل الآراء في هذا المنتدى
ولحين انضمام احد سكان الشامخه إلي الموضوع
ممكن تذكري تفاصيل أكثر حول التصميم الحالي
ونرى رأي العضوات المبدعات حول تنسيق وتصميم ديكوراته

السلام عليكم

رومي

هلا بالغلا منورتني

ومشكوووووره يالغاليه رومي على ردك

شجعتيني اشرح بس ان شاءالله تفهمون علي مع اني

بصراحه انا ماانفع حق الشرح بس بحاول اشرح لين مااخذ

المخطط وانزله

البيت فيه ملحق مكون من مجلسين وعلى طول قدام الملحق باب البيت

وهنا المشكله اذا فتحت باب البيت القى قدامي جدار لان بالطابق الارضي في 3

غرف نوم والطابق الثاني كمان 3 غرف نوم

المهم نرجع للشرح

اول ماافتح الباب تلقين ممر وعلى يميني غرفه وقدامي بالضبط

مطبخ تحضيري وجدار لغرفه ثانيه وحمام وغرفه ثالثه وكلهم جايين بالممر

وانا فكرت افتح الجدار الي بالممر وتصير الغرفه كانها مدخل او قعده للعائله

بس الي مالقيت له حل

لان الغرفه الي على يدي اليمين يحيط فيها المطبخ من برا وغرفة الخدامه

وانا كان ودي اضم المطبخ للبيت بس مو معقوله افتح كل غرف البيت للقعده

والبيت اصلا فيه مجلسين برا البيت يعني صج احس اني تعبت من التفكير

عشان كذا بغيت اشوف باقي الاخوات

شو طلع معاهم وشلون انضم المطبخ للبيت ؟؟؟

وسامحوني اذا الشرح مب واضح بس مثل ماوعدتكم بحاول

انزل المخطط اذا جابه زوجي او برسم الشكل بروحي



وياليت القى المساعده منكم وادري فيكم ماشاءالله فنانات

وكل مشكله تلقون لها حل

في انتظاركم


تحيتي
نور@القلوب

هيه شايفه ها البيوت

انا من وجهة نظري ما توصلين البيت مع المطبخ وغرفة الخدامه

عشان ما تدخل الريحه للبيت


و في فكره ممكن تضيفينها على المبنى

بس يبغيلها رسم ما اعرف اشرحها

السلام عليكم

Amore

هلا اختي انا بعد فكرت مثلك وخصوصا ان البيت فيه مطبخ تحضيري

بس اختي شرايك بالملحق الي فيه مجلس الرجال ومجلس الحريم ؟؟

اهم بعد اخليهم على حالهم والا اضمهم للبيت مع العلم ان المسافه

قريبا جدا بينهم وبين البيت

وبخصوص الفكره الي قلتي عنها

ياليت تشرحينها حتى لو بالتقريب وانا ان شاءالله بحاول افهم

واتمنى باقي البنات يعطونا افكارهم


وتسلمين عيوني ويعطيك العافيه



تحيتي
نور@القلوب

الفكرة الي ممكن تنفذينها انه توصلين ملحق المجالس بالبيت مثل ما قلتي

و بيكون حلو اذا ضفتي صالة تربط بين البيت الرئسي و محلق المجالس و بنفس الوقت ترومين تعديلنها مثل ماتبين وتخليها غرفة معيشه او جلسة

الصالة تقدرين تضيفينها من جدار البيت لين جدار المجلس بالحجم الي تبينه و حسب ما تسمح ميزانيتكم

و ترومين بعد تسكرين باب المجلس الحريم الي من مدخل الرجال و تخلين باب صوب الصالة عشان يكون مجلس الحريم منفصل عن مجلس الرجال و مدخلة بعد منفصل و مطل على الصالة الجديده

و بعد ترومين تبنين فوق الصالة مثل بلكونه او صالة بالطابق الثاني او تخلينها غرفة نوم اضافيه

اي شي تبينه


و اذا ما تبين تضيفين الحين خلي المقاول يبنيلكم اساسات تمكنكم انه تضيفون دور ثاني متى ما احتجتوا

و اتمنى ان فكرتي واضحه