بصراحه المصممين في بوظبي غاليين
ليش ماتخذي جاهز ؟؟

اكثر المصممين في الخالدية...فيه محل اسمه فاشنر,,,(( سرقت الاسم منه خخخخخخ)) وفيه ريانة العود...وفيه ريمون....
اتصلي علي المحلات وشوفيهم.....!!

انا انصحج بالجاهز الصراحة ارخص و عن دوخت الراس

تدورين قطعه حلوة ويوم تروحين للمصمم يمكن التصميم يعيبج في الورقة بس في الواقع شي ثاني فليش تدوخين راسج

و المحلات الجاهزة ياكثرهم في المولات

بس حبيت انصحج عن تجربة

UAE Forever لا تحاتين يا عمري بدعيلج من كل قلبي انشاء الله ربنا يرزقج بريال يحفظج ويصونج ها شرايج ;) وما يحتاي يا عيوني تقولين لي عن دبي دار الحي ترا أدري إنها متروسه دور أزياء حلوه وراقيه ورخيصه بعد بس أنا أبا من بوظبي وتسلمين على كل حال ...

أم توتي وميمي مشكوره يالغاليه على الأسماء اللي ذكرتيها تصدقين أول مره أسمع عن محل البوشيه؟؟؟ شكله من اسمه راقي هههههه بسير عندهم وبتشوف وبالنسبه للمحلات اللي في بوظبي مول تراني أدلهم بس تعرفين حابه أييب من مكان ثاني لأنه بوظبي مول الأغلبيه يسيرون هناك وأكيد بيكونون شايفنه يعني فشله خخخخخ على كل ما قصرتي يا عمري وما عرف أدعيلج بالريل السنع والا انت معرسه ؟؟؟؟ (توتي وميمي) لو بناتج الله يحفظهن لج...

masha3er -uae مشكوره يا عمري وما قصرتي دوم يوم أسأل تكوني من أول المشاركات فديتج والله وانشاء الله ربنا يرزقج بريل يسخره لج ويصونج تصدقين أول مره أسمع عن محل الملاك الأبيض أتمنى تكون أسعارهم حلوه وموديلاتهم أوكي بسير انشاء الله وبتشوف مشكوره يا الغاليه...

أحلى إماراتيه مشكوره حبيبتي تراني عرف المحلات اللي في شارع خليفه بس شي محل اسمه دار الموضه في شارع الخالديه مدري ادلينه والا لأ ويا ترى اشجايل أسعارهم وتصاميمهم؟؟؟ بالنسيه لدبي أكيد ما يحتاي تجولين عن التصاميم والأسعار بس المشكله ماقدر أسير هناك :( على كل مشكوره يا عمري وما قصرتي حبيبتي ودري بج عروس يديد ربي يخليج حج ريلج وما يشوف غيرج في هالدنيا ها شو رايج بهالدعوه :) ...

طوق البنفسج مشكوره حبيبتي بس ما عرف انتي تقصدين هذا الاسم والا دونا مودا لأنه بريميرا مودا ما سمعت عنه؟؟؟ على كل بسير وبتشوف مشكوره يا عمري ...

دانه المزيونه ترى يا الغاليه أعرف انهم غاليين بس شي محلات تخصص فساتين سهره يفصلون ويبيعونهم بعد مثل أروشيه في شارع المطار ودار الموضه في الخالديه ويقولون أسعارهم معقوله يعني أنا أدور مثل هاذي المحلات اللي يصممون ويبيعون يعني تقدرين تقولين جاهزه بس راهيه ...

فاشنر شكلج تهتمين وايد بهالأمور لدرجة مسويه النك نيم على اسم المحل خخخخخ ما شاء الله من وين يبتي كل هالأسماء شكلج تحاوطين وايد هههههه انشاء الله باخذ الرقم من الاتصالات وبتصل عليهم بس انشاء الله ما يكون أسعارهم غاليه ومعقوله، أنا الصراحه ولا شني عايشه فبوظبي تصدقين ما عرف ولا اسم فيهم ؟؟؟؟ ما قصرتي حبيبتي ومشكووووره واااااااااااااايد وربي يوفقج ويرزقج بالريل الصالح لو كنتي بعدج ما عرستي ...

برنسيسة الإمارات مشكوره حبيبتي وصدج والله مثل ما قلتي تشوفين الموديل وشكله راهي ويوم تيين تصممينه موبشي بس أنا مثل ما خبرت الأخت دانه المزيونه شي محلات يصممون أوريدي ويبيعونها في نفس الوقت مشكوره يا عمري ...

سيري مركز مدينه زايد شي محلات ومرات يظهر فستان لفي الطابق الاول كله من صوب اليمين واليسار مرات اشياء روعه تظهر..بس انتي دوري واسعارهم بعد اوكي..

تقريبا محلاتهم شرات محلات مركز المنال في دبي بس ارخص في بوظبي يعني لو غلن الفساتين ب1000..سيري وشوفي..

بعد الطابق الثاني محل اسمه شدون شي فساتين راقيه ب1500 وفوق..

في محل في الخالديه نسيت اسمه بس مجابل كوفي كان كان ع نفس سيد صالون عرايس الامارات..هيه تذكرت اسمه ميرانا غاليري.. حلو وفساتينه 2000 ونازل ...

خذيلج جاهز ريحي عمرج...