بنات بو ظبي محتاجتكم بليييييييييييييييييييييييييييي يييييييييز

ما ادري بتشوفين الموضوع ولا ما بتلحقين المهم..

الجلابيات الهندية حلوة في محل اسمه راجو بلازا،، والعبي روحي الخالدية بالهبل المحلات..

وأنا اعرض عليج غداء من مطبخي لو تحبين توفرين لان أكل الفنادق غالي لو تبين بسوي لج الاكل وبوصله لين الفندق..

تحبين تشوفين طبخاتي بالصور روحي منتدى العروض التجارية..

شو رايج ؟؟؟

طرشي لي ع الخاص لو تبين..

اختى بالنسبه لمحلات العبي في ابوظبي مول عندج محل لارين وارابيسك وخنجي
وفي مركز فتوح الخير محل ماي فير ليدي واوكيجنز ومحل الاختيار الاول في مارينا مول

يامرحبابج في بوظبي
اختي بالنسبه لابوظبي..عندج المراكز التجاريه مثل ابوظبي مول.. مارينا مول.. مهيري سنتر.. مركز فتوح الخير.. طبعا كلها فيها اماكن ترفيهيه للاطفال.
بالنسبه للمطاعم عندك مطعم قصر الهند.. مطعم شاميات.. مطعم ارض المأكولات.. مطعم نصر...مطعم الظفره (يودونج رحلات بحريه لو تحبين) هذيلا الي في بالي الحينه واسعارهم كلها معقوله...
وعن العبايات والشيل.. عندج شارع الخالدية كله محلات السيل والعبي واسعارهم معقولة
طبعا ان شاء الله يوم بتيين بوظبي لاتنسيين اتسييريين فندق قصر الامارات... لانه يعتبر واحد من اهم المعالم السياحبه في بوظبي

البنات كفن ووفن

الجلابيات

اليشمك
الهودج
عتيج الصوف
الاسطوره
في محل للمغربي اذا تحبين مثل سكاليني والحسنا المغربيه

عبي وشيل

مثل ما قالوا البنات روحي منطقه الخالديه وبتلاقين محلااات وايد واسعار مختلفه

في محل موزان بس غالي شويه

بدلة للعيد ؟؟

مافهمت بالظبط شو ادورين عليه

يعني فستان ولا لبس سهره

اذا فستان بتلاقين في منطقة الخالديه

ومركز مدينة زايد

وفي بوظبي مول والمارينا مول

وحياج الله عندنا يا الغاليه