بنات ،، تبغى تكلم صديق الي بتتزوجه ،، آراءكم

مشرفاااااااات الله يرضى عنكم دنيا واخره لاتحذفون الموضوع ، البنت تعباانه ومستكينة تبغى احد ينصحها ويوقف معها
نسيت اقولكم البنت على اعتاب الثلاثين يمكن باقي له سنه او حولها وتخش 30

الله يستر عليها واذا يبغاها هو بيجي يخطبها دون وسيط او احد يشاوره بس مشكله الواحد يتسلى ببنات الناس والبنت حاطه امل كبير انه خلاص بيجي يتقدم لها
الافضل انها تنساه وتفكر بنفسها واذا يبغاها بالحلال اكيد بيتحرك دون قول الله يستر عليها

والله كنت منفعله اول ماقريت السطور وكنت برد رد قوي بس لما قريت انها مره متعشمه وتعبانه ماقول الا الله يعينها بس
قوليلها اذا هذا اوله ينعاف تاليه اللي من اوله قبل ياخذها وبتسوي لعيونه كذا بكره لاتزوجته وش بتسوي له بيدوسها لو استمرت تلحق عاطفتها


ثاني وليه تكلم خويه سلامات معليش يعني وش هالواسطه الغريبه واذا هي واثقه افرضي حطها الرجال براسه واعجبته وصك هو الطريق بينهم وبنفس الوقت ماخذاها لانها نحب خويه


وافرضي فرضيات كثيره
اهمها انه عيب لاتخلي قلبها يعميها عن اشياء كثيره قدامها
طيب افرضي هو مرتبط عاطفيا او خاطب بس مانتشر الخبر او هي مو مواصفات احلامه
حطي كل الفرضيات الزينه والشينه وقدمي الشينه علي الزينه عشان ماينفقع قلبها ولل تنصدم اذا جاها الرد مابيك


تتقي الله في نفسها وقلبها وعواطفها وتقوي قلبهاشوي
لو لها نصيب فيه بيجيها لو انه فاخر الدنيا مو بس مايعرف اهلها
ولو هي تبيه تفرش سجادتها وتطلب الله لو قربه خير يكتبه الله لها وربي كاتب اقدار الناس قبل ينخلقون واذا هو شر يصرفه ربي عنها نهائيا حتي لو هالشي يوجعها الحين بكره بعد كم سنه بتستوعب وتقول سبحانك ربي ماعظمك


اختي هالطريقه راح تكون دمار لها مستقبلا في نظر هالرجال ولاتتوقع ان اللي تحبه بيقبل ان زوجته كلمت خويه وقالت له خل اسال خويك اذا يبيني او لا انا احبه
ترا الرجال دايم كذا تفكيره بعيد كل البعد عن تفكيرك وعاطفتك العاطفه عنده لها وقت والعقل له وقت
تتمني ماقسيت عليك وتذا ردي المك اعتذر لكن وربي ضاق صدري عليك

تبعد عنها هالتفكير اللي بينزل قيمتها وقيمه اهلها بعيون الناس وتلازم الاستغفار وتدعي الله باللي تبي

الله المستعان هذي وهي كبيرة تتصرف كذا اجل مانشرهه على البنات الصغار
حبيبتي خليها تبعد هذي الفكرة من راسها
اولا الخوف من الله وينه كيف تتجرأ وتكلم شخص مو من محارمها
وثاني شي كيف ترمي نفسها على واحد يمكن مو حاطها في حساباته عيب والله البنت تطلب الرجال
انصحيها وخليها تركد رزقها اللي الله كاتبه لها بيجيها سواء هو او غيره
حشمة البنات تنخطب من بيوتها
والله يهدي سرها ويستر عليها