السلام عليكم اخواتي العسووووولات
دورتي الشهر الي فات استخدمت العنزروت منقوع مع المره وقلتلكم نشفت دورتي في رابع يوم وطهرت من سادس يوم
بس دا الشهر جات الدوره قبل وقتها ب تلاته ايام وعلى طول جري شربت العنزروت بدون نقع سف (تجارب هههه لا ياس مع الحياه ) وبعده حليب دافي على طول وملقعه صغيره عشبة المدينه في الحليب الدافي مره الصباح ومره في الليل
والمفاجأه بدأت الدوره ماشالله تنزل احسن من اول بشويه وينزل معها قطع سوده صغيره فتأكدت ان معايا سدد
لان نفع العنزروت عشبة المدينه معايا واحد في الميه
واتصلت على دايه وسالتها قالت تعالي اشوفك ولمن رحت قالت عندي الفقره تشد الضهر (توجع الضهر) وتمنع الحمل وهي دم يتجمع اسفل الضهر او في الرحم مدري المهم
علاماتها
خربطة دوره بدون سبب
خفتها وكانها محبوسه
الم اسفل الضهر
تاخر الحمل مع احساس بالغثيان والدوخه قرب موعد الدوره
وقالت ابغالي اشرب اعشاب طول الدوره ونوع تاني الين موعد الدوره الجايه لانها مره قاسيه في ضهري ابغالها تلين اول وبعدين تكسرها عشان تنزل باذن الله وارتاح وترجع الدوره :a_smil08:
لمن كشفت خلتني انسدح على ضهري ومرخت بطني شويه وبعدين قالت ارفعي وركك وانا اذا شاطره ارفع نفسي مني قادره كأن وركي مكسور من شدة الالم :icon33:
وحاولت الين قدرت ارفع نفسي شويه وبعدين حست اسفل ضهري وقالت ايوه والله عندك فقره شاده ضهرك :huh:
بكره ان شالله رايحه تمريخني واشوف كيف النتيجه واكتشفت ان العنزروت ما يتاخد منقوع يتاخد سف
عشان يفيد
ادعولي يارب ينزل السدد وارتاح باذن الله وربي يبلغني واياكم الذريه الطيبه يارب
اخواتي الي عندها تجارب وخبرات ولا تعرف شي بالله افيدونا حبيباتي لان احيانا السبب يكون مره بسيط ولكن الوحده من قلة الخبره ما تعرف زي حالتي :kissa: