بنات تجربتى ومعاناتى ولحبوب الوجه واخيرا راحت بلارجعه وكله من صنع ايدى

السلام عليكم حبيباتى
انا وربنا ويشهد عليا الله انى وشي كان مليان حبوب وياريتها حبوب لونها احمر اانما كانت تحمر وبعد كده تبقع اسود كا جناب وشي بخدودى مليانه ورحت لدكتور وادانى علاج ومراهم ولا فاااد كانت تروح شويه وتجيي تانى
.
.
.

المهم انا زهقت من وشي وكررت انى اعلج نفسي بنفسي
اول حاجه في الصباح اول لما اقوم اغسل وشي بماء دافئ سخن شويه بس مش اوى لان الماء الدافي بيقلل الالتهابات في الوش وبيروق الحبوب واغسل بغسول كلينا كلير ولو مش موجود اغسل بصلبونه دوفف او ديتول وبعد كده لما اغسل وشي اخد شويت ماء ورد في ايدى واروح دعكه بيه وشي
الحكايه مش هتاخد خمس دقايق واجيب منظف كلينا كلير واحط شويه من المنظف على قطنه وامسح بيه كل وشي
بعمل كده حوالى تلاته مرات في اليوم بس اهم شئ تنضفي وشك قبل النوم واول لما تصحى

كنت اعمل حمام بخار على وشي واروح عمله بعديه مسك
مره اعمل زبادى وعسل وليمون
ومره اغلى شويت نعناع صغنونه خالص احط النعناع والمايه بتاعتها وعليها شويت دقيق ولبن
بيجنن وينعش البشره وبتحسي بتراوه في بشرتك
ومسك الزبادى بلخيار يجنن يجنن
واى ماسك كنت بعمله احط عليه ماء ورد
وعملت ماسك الموز مع البن وشويت دقيق صغيره علشان تمسك العجينه نفسها وبتفتح كمان
واوقات كنت احب اعمل مساج في وشيى كنت اجيب فرشت الاسنان واعمل حركات دائريه بلفرشه في وشي بلطف وبرقه وربنا وشي كان بيبقي زى الفل والنعومه وااو بس مش كل يوم علشان وشي ميتجرحش

وربنا مشاء الله بشرتى روعه والحبوب ودعتها بس الموضوع ده خد شهر منى استمرار على تنضيف البشره ومسكات طبيعيه وحمام بخار بس ادعوالى ان الحبوب اليه في ضهرى تخف

ويارب اكون فدتكم