بنات تحطون للشربه الحب بصل

انا احط لها بصل مع السمنه الى ما يتحمر .....وترا الذ بالبصل سواء تسويها بالصلصه او بيضاء .......البصل نكهته غير مع كل شيء

والله ماعرف بس ما حبيت امر ما سلم
والبنات ان شاء الله يساعدونك
رمضان مباااااااااااااااااااااااااااااااااااارك عالجميع

كل عام وانت بالف خير ياقلبي
وان راح اقولك طريقتي في الشربه الحب
اولا شي اغسل الحب زين وبعدين اضعه في القدر واضع عليه ماء قليل حتى يطبخ وبعد ذلك اضع عليه ماء مغلي تقريبا الى نصف القدر وبعدين اتركه يطبخ دقيقتين وبعدين اضع عليه بهرات غير مطحونه مثل عود نقع وشيبه وفلفل اسود وقرفه طبعا تضعي قليل منه
وبعدين تضعين اللحمه وتتركيه تطبخ الين ما ينهرس الحب وتستوي اللحمه وبعدين نضع عليه اللبن ونملحه وتشرب بالعافيه

طبعا كل ماينقص الماء عن الحب تزيديه هذا قبل وضع اللبن

مرحبا حبوبة

إذا قصدج شوربة حب الهريس .. أنا بخبرك طريقتنا
أولا نسلق اللحم بإضافة البهارات الصحيحة عليه مثل الهيل والفلفل الأسود والقرفة لين ما يقرب يستوي
خلال هذي الفترة ننقع الحب في الماي وبعدين نضيفه على اللحم لحد ما ينهرس نوعا ما
آخر خطوة نسوي الكشنة واللي هي عبارة عن بصل مقطع شرايح نشوحه في الزيت لين يذبل .. نضيف عليه شوية ثوم مطحون مع فلفل أحمر وبعد دقيقتين نضيف بزار اللحمة ونضيف عليه شوية ماي ونخليه خمس دقايق وبعدها نضيف عصير طماط طازج مطحون بالبيت(مب صلصة) تقريبا عدد 2 طماط متوسط الحجم ونضيف عليه رشة ملح .. ونخليه على النار لين ينضج الطماط تماما وتثقل شوي الكشنة.
صبي الكشنة على الحب واللحم وخليهم على النار ينطبخوا دقايق وطبعا ثقل الشوربة على ذوقج إذا تبينها ثقيلة خليها على النار أكثر وإذا تبينها خفيفة زيديها ماي. بالنسبة لي أنا أحبها ثقيلة شوي مب وايد

إن شا الله أكون أفدتج

لا بصراحه لما تحطين لها البصل يكون فيها طعم البصل

طريقة الشوربه بالذات الحب نضع الثوم والبهارات

والطماطم المطحونه ومعجون الطماطم واللحمه بعد غسلها

تطبخ مع بعضها البعض وتقدم ساخنه وبالهناء والعافيه

بس إنتبهي الشوفان اللي في العب تحط بعد طبخ اللحمه

لانها ماتحتاج تفور مع اللحمه يارب اكون افدت