رح اشرح لك طريقة الوردة اللي متكونة من عدة طبقات

شووفي يا حلوة اللي رح تسويه هو التالي ومتأكدة منه لأني سويته قبل كذا

بسم الله ابدأ

اول شي ..

سلسلة من 6 ( وعلى اول قطبة رح يكون عليها الشغل )

يعني بعد السلسلة سوي عمود في اول قطبة بعدين سلسلة من 2
بعدين عمود بعدين سلسلة من 2 وعمود

وهكذا كملي الدور

وفي الأخير سوي سلسلة من 2 واختمي الدور هذا ( تشبكيها في السلسلة اللي سويناها في البداية )
اتبعي الباترون و رح تعرفي

ثاني شي ..

هذا الدور رح تسوي فيه بتلات الوردة
سوي على اول سلسلة من تحت x ( حشو ) وجنبها 2 عمود ثم x
وفي الثانية سوي ( x و 2 عمود و x )
وهكذا بقية الدور

يعني في كل سلسلة من الدور السابق تسوي ( x و 2 عمود و x )

الدور اللي بعده ..

اقلبي الشغل .. لأن رح يكون الشغل عليه

بين الـ x الاثنين اللي في الدور السابق سوي x او القطبة اللي تختمي بها الشغل ( عشان التثبيت ويكون الشغل اسهل ) << مدري كيف اوضح هذي النقطة

بعدين سوي سلسلة من 3 << هذي رح تكون بمثابة عمود

بعدين سلسلة من 3

بعدين بين الـ x اللي في الدور السابق سوي عمود

وبكذا صار عندنا اول قنطرة عشان في الدور اللي بعده نسوي عليها البتلات

بعدين سوي سلسلة من 3 وبين الـ x اللي تحت سوي عمود

وهكذا بقية الدور

الدور اللي بعده ..

ارجعي اقلبي الشغل .. يعني رح نرجع نشتغل في الأمام ..

سوي في كل قنطرة ( x ثم 3 عمود ثم x ) << وهذي اول بتلة في هذا الدور

وعلى هذا المنوال كملي الدور

الدور اللي بعده ..

اقلبي الشغل .. رح نشتغل في الخلف ..

نفس الطريقة السابقة بس بدل السلسلة من 3 صارت 4 عشان رح نزيد العواميد والسلاسل في كل دور حتى تكبر الوردة

والدور اللي بعده ..

نرجع نشتغل في الأمام ..

في كل قنطرة سوي ( x ثم قطبة ثم 3 عمود ثم قطبة ثم x )

وكملي بقية الدور

...

وكملي نفس الحكاية بقية الادوار

واذا تبغي تكبري الوردة زيادة اتبعي نفس المبدأ

...

ومتأكدة دحين رح تطلع صحيحة :42:

سوويها ونشووف

خخخخخخخخخخخخخخخ لوتس انا كنت ابي اشوف الباترون ينعرف من غير مالواحد يشوف النموذج ولا لا :22:
انا امس بعد ماشفت الشكل اللي طلع معي حاولت مره ثانيه في الورده والحمدلله ضبطت بس احس شكلها شوي مخربط
والحين راح اجرب طريقتك واشوف كيف تطلع :)

اجل طلعنا ............؟؟ << اكملي الفراغ خخخخخخخ

انا اعترف اني ماعرفت انها باترون وردة << صريحة ^_*

منتظرة الوردة

^_^

لوتس
لااااااااااااا ولو يكفي انك ترجمتيها من طقطق لسلامو عليكو
بس من جد شكل الباترونات ماتنعرف الا اذا شفنا النماذج
وان شاءالله تشوفون وردتي وتشمون ريحتها الحلوه كمان وراح اهديها لك :)

ياااااي

تسلميلي يالغلا

منتظرة وردتي بفارغ الصبر << طبعا اللي انتي رح تسويها

^_*