بنات تعالن اخبركن عن رجيمي الرائع يارب يعيبكن

السلام عليكم ورحمة الله وبركاته
اول شي انا وزني 85 ودايم اسوي ريجم وافشل اني استمر عليه بسرعه اتعب نفسيا واييني احباط
واحس اني محرومه من الاكل الي احبه
وقررت اسوي ريجم خاص فيني
وهذا الريجم حبايبي وايد حلو بالنسبة لي وناسبني
الصبح اتريق بيضة او بيضتين ملسوقات او جبن قليل الدسم خفيف الملح او جبنه شيدر وشاي حليب بسكر وايد حلو ترا مايفرق وايد عن السكر الطبيعي في الطعم بس خاص بالرجيم ولا يترك طعم مر بالثم
والغدا اكل غدا البيت اي شي بس بدون عيش ولا خبز العيش هو الرز بنات
وسلطة خضرا خس وخيار وبقدونس اكل الكمية الي تشبعني
وبين الوجبات ممكن اخذ كوب شاي ولا نسكافيه بسكر الرجيم
او قطعة جبن اذا حسيت بالجوع او بيضا
والعشا نفس الشي عشا البيت بدون خبز ولا عيش واهم شي احاول ابتعد عن كثرة الدهون بالاكل
واذا اشتهيت الكافي يعني الشوكليت الشكولاته اشتريها من مراكز بيع اكلات الرجيم منخفضة السعرات الحرارية ترا طعمها حلو ولا يختلف ابد عن العادية
واخذ حبوب تسد الشهية
هيه حبوب اخذتها من مصر اسمها اسبرتيم
وشي مثل هالحبوب هنيه حصلتها بالعين مفعولها نفس الشي ويمكن اقوي حصلتها هنيه بالعين بمعظم الصدليات
والي تبغيه ترا عقب ايب اسمه واحطه بالمنتدي
وخسيت على هالرجيم سبعه كليو في اسبوعين وربي بنات
شكلي تغير بالمره واهم شي بطني راحت ولا عاد تبين من ثيابي حتي ارتحت من الحموضة والكسل وصار جسمي انشط لانه سمعت انه النشويات تتعب المعده وتسوي كسل

واكل الي احبه واشتهيه بس بدون خبز ولا عيش ولا معكرونيا ولا حلويات:)

سكر الرجيم هذا اسمه TROPICANA SLIM
موجود بالسوبر ماركت او كارفور :)
وسلامتكم
والي تاخذ هذا الريجم وتستفيد امانه ابغي منكن دعوة ا:)
الله يرحم والديني ويسكنهم الجنه ويزيح الهم عني وعن قاريء هذه المشاركة:26:

لااله الا انت سبحانك اني كنت من الظالمين