بنات تعالوا

مشكلتي مع زوجي هي أنه مرة يهتم فيني ومرة لا، يعني في يوم يكون حريص جدًا عليّ ويهتم بكل شيء يخصني، واليوم اللي بعده أحس إنه ناسي وجودي تمامًا. اللي مضايقني أكثر هو إن أصحابه دايمًا أولويته، بس يتصل عليه واحد منهم أو يرسل له، يطير له ويفضل يقضي معهم وقته أكثر من الوقت اللي يقضيه معي. مرات يطلع من البيت بدون ما يعطيني خبر، ويرجع متأخر، وكأن وجودي ما يفرق عنده. والأسوأ هو أنه لما ما يكون عنده أحد من أصحابه، فجأة يصير مشتاق لي ويدورني، وكأنه ما يتذكرني إلا لما يكون فاضي أو طفشان.
أمس صار موقف زاد تأكيدي لهذا الشعور. صحيت وما لقيته بالبيت، طلع من الساعة ٣ العصر، ورغم أني رسلت له رسالة، فتحها وسوى لها حفظ وما رد إلا لما رجع الفجر! ولما رجع، كانت ملابسه كلها تراب، وقال لي إنه صار لهم حادث مع صاحبه لأن بنت لفت عليهم وهم مسرعين وطاحت عليهم نخلة. قلت له الحمد لله على سلامتك، قال لي الله يسلمك، وبكل برود راح يتروش، وبعدها جاني يقولي يلا نتفرج مع بعض، ودي أكون معك اليوم!
اللي يقهرني أكثر أن صاحبه اللي صار معه الحادث، سبق وقال لي إنه طلع مع بنات باليوم الوطني، رغم إنه متزوج وعنده ٣ عيال. ولما حاولت أفتح الموضوع معه، قال لي “لا تدخليني في هالمواضيع” وسكت. ما رديت بعدها، لكن الموقف عالق في بالي
وبعد كل هذا، حصل موقف ثاني أثر فيني أكثر. كنت أكلمه على الجوال وهو يضحك ويراسل صاحبه وفجأة قفل الخط بوجهي بدون حتى ما يستأذن! دخلت الواتس لقيته متصل، وبعد شوي رجع يقولي “ها وش تسوين قلت له “ليش قفلت؟ قال لي لا ما قفلت، خويي رسل لي رسالة صوتية”. متخيلين؟ قفل الخط بوجهي بدون ما يعطيني أي اعتبار، وراح يرد على صاحبه!
كل هالأمور صارت تخليني ما أطيق الوضع. أحس إني ما صرت أطيقه بشكل عام. هل تحسوني أبالغ؟