بنات تعالوا اقولكم قصتي مع امي يارب تتوب علي/قديم

السلام عليكم
اخباركم بنات

حبيت افضفض واطلع لكم
اللي عانيت منه وانا صغيره
انا كنت عايشه عند اجدادي جدتي اللي ربتني ابوي توفى وانا ببطن امي ماطلعت للدنيا ولا شفته حتى صورته
ماشفته .. قربت ادخل المدرسه وكان عمري ست سنوات وكنت من صغري احب المدرسه واحب الدراسه
لدرجة اني اقوم مع خالتي الصبح اذا راحت للمدرسه البس ثوبها القديم حق المدرسه واخذ اي شنطه كأني
ابروح معها واذا راحت ارجع انام .. مرت الايام وقرب دخولي للمدرسه
قبل دخولي المدرسه سألتني (جدتي ) عن اسمي قلتلها اسمي وقلت اسم (جدي ) ..
قالت لا انتي اسمك فلانه بنت فلان قلت كيف مو انتي اللي جبتيني قالت لا
عجزت استوعب مافهمتها قلت تكذبين علي انا اذا سألتني المعلمه بقولها اسم جدي
وفهمتني جدتي كل شي وعرفت ان امي اللي هي احسبها اختي وكنت اناديها بأسمها
وعرفت ان ابوي كان مريض توفى وهو مريض بالعين وعرفت انه كان يحب الاطفال
ومحافظ وملتزم وتوفى بعد صلاة الفجر ماشاء الله يارب تجمعني فيه بالجنه
الغريب ان امي بعد ماجابتني بخمس شهور تركتني عند جدتي واعرست و خلتني عند جدتي
كانت لي ام كنت اناديها امي اذا مرضت سهرت طوووول الليل ماتنام تخاف علي اذا رحت للمدرسه تمشط شعري كانت مدلعتني مررررررررره الله يخليها لي
ااااه يا جدتي ماادري كيف اوفيها حقها يوم عرسي كانت معي ماخلتني هي الوحيده اللي جلست معي ذيك الليله لييين جت الزفه
الغريب ان امي الحقيقيه مالها وجود تركتني كأني ماني بنتها يالله معقوله فيه ام تترك بنتها اللي كانت تتحرك في بطنها وقطعه منها يابنات انا هالحين حامل بس وربي هالحين اغليت جنيني وشلون لا طلع
يعني امي معقوله ماحست بالامومه تدررررررون
امي لما درت انها حامل بي كانت تبي تسقط وكانت تشيل اسطوانة الغاز علشان تسقط
بس ربي كتب لي اني احيا واجي للدنيا واني اتزوج واحمل سبحان الله
يابنات انا الى الان مااناديها امي اناديها بأسمها لاني وربي عجزت عجزت عجزت حاولت ماقدرت
عقب كل اللي سمعته ارحمها بس والله مااحس انها امي
انا هالحين اسأل نفسي اقول من ابر بأمي والا جدتي تخيلو امس دقت علي تبغى حاجه قلت مشغوله مااني فاضيه اذا فضيت ادق عليك
بعدها انكبت المويه الحاره على يدي واحرقت يدي ماذقت النوم منها احس ربي عاقبني اني ما نفذت لها طلبها
والله قمت ابكي قلت ليتني منفذه طلبها يمكن ربي يرضى علي
ورجعت دقيت عليها ونفذت طلبها واحس ارتحت حيييييييييييييييل
انا هالحين مشتته
ماادري انا ودي ابر بأمي بس لما اتذكر انها تركتني وانا صغيره يصد قلبي عنها
واتذكر جدتي وارحمها حييييييل والله يابنات جدتي غير غير غير
بنات نزلت موضوعي ابغى منكم
تقولون لي هل انا بتعاملي مع امي اكون عاقه لها يارب ترحمني ومااكون عاقه لها يااارب
وهل حرام علي اني مااقولها امي اناديها باسمها ؟؟
الله يجزاكم خير
وادعو ا لابوي بالجنه يا بنات انا ماشفته
ادعو ان ربي يجمعني فيه بالجنه
يارب اجمعني بوالدي في الجنه