بنات تعالوا بسألكم الله يوفق الي ترد علي

كل عام وانتو بالف خير
بدخل بالموووضوع على طووول
انا صار لي متزوجه اربع سنوات ونص
حملت ببنتي الله يخليها لي بعد 7 شهور من الزواج رغم اني لم اخذ اي مانع و
بحكم ان ولادتي كانت قيصريه أخذت حبوب مانع للحمل جينيرا سنتين
مشكلتي كالتالي صار لي سنه وشهرين تاركه الحبوب وماحملت
والحمدلله دورتي منتظمه يعني تنزل علي كل 28 أو 29 يوم ومدتها 7 أيام والحمدلله
أخذت موعد بمستشفى حكومي
و الموعد كان في شوال وعملو لي خمس تحاليل هرمون الحليب وغدة ونشاط مبايض ودم شامل ومااذكر التحليل الخامس
والحمدلله طلعت النتيجة سليمة بس عندي ارتفاع بسيط بهرمون الحليب وانا عارفه سببه لان كانت نفسيتي تعبانه وقت التحليل وفيا قلق وخوف
وسويت اشعة الصبغة من اليوم العاشر لبداية الدورة والحمدلله تقول الدكتورة نتيجتك 8 ماادري وش قصدها بس الي فهمته ان الحمدلله ماعندي مشكلة
سؤالي كالتالي
1/* ايش قصدها بنتيجة اشعة الصبغة انها 8 ؟
2/* طبعا مثل ماذكرت سويت الاشعة بشهر ذو القعدة يعني باليوم العاشر من بداية الدورة أي بعد 3 أيام من الطهر
وبعدها الدورة تأخرت علي اربع ايام ايام واستبشرت خير وقلت الفرج وصل وان شاء الله فيه حمل بس بعدها نزلت الدورة وكانت غريبه واول مره تصير لي هالحاله كانت غزيرة ونزل مني قطعة كبيرة زي اللحم
والله يابنات يوم شفتها بالفوطة تكرمون خفت مره وقلت يمكن اجهضت سألت امي قالت لي مااعتقد يمكن هذا الشي من بعد اشعة الصبغة الي سويتيها...

سؤالي ...هل اشعة الصبغة هي السبب في تأخر الدورة وغزارتها ونزول هذي القطعة ؟؟؟
تكفون جاوبوني ...انا خاااايفة وتعبااااانه
ايه صح وادعولي ربي يفرجها علي ويرزقني بالذرية الصالحة السليمة المعافاه ويرزق كل محرومه او متاخرة بالحمل...