بنات تعالوا ساعدوني اللي عندهم اطفال وشغالة

بنات بيتي صغير غرفتين وصالة غرفة لي والغرفة الثانية لبنتي والشغالة عشان سريرها كبير وغرفتي ضيقه وبنتي الثانية بالصالة بس مررره ماني مرتاحة ان بنتي عندها بس كيف وين احطهم والمجلس ممنوع علينا يابنات نفسيتي تعبانه هي كويسه بس انا موسوسه واحسها تضرب بنتي بنتي ملقوفه وانا مرات اعصب عليها واضربها بس ماني متحمله وبنفس الوقت محتاجتها وراي دوام ودراسة ولو راحت باكل تبن يالله زوجي جابها مع انه مادفع فيها ولاريال فكرت اخذ بنتي الكبيرة حضانة بس صعبه بهالبرد وانا ادفع 1500 وزيادة حق الحضانة 400 وبنتي لسى سنة ونص وبنتي الصغيرة 7 شهور يابنات ارجوكم ساعدوني تعبت مع اني اساعدها بكل شي ومااخليها تسوي شي غير بناتي طوال ماانا بالدوام.. وكل بيتي غرفة وصالة ومطبخ وبعض المرات حتى مااطبخ والغسالة اتوماتيك فكرت نستاجر بيت اكبر زيادة غرفة ع الاقل خاصة لي ولبناتي ودي انام عندهم واخليها تنخمد طول الليل عشان ماتعصب عليهم وتقومهم بدري لاني يوم اجي ماينامون مصحصحين تنام ماتقوم غير 11 والرجل بس معصب ماينفع بهم حتى ماصار يوصلني للدوام غير سواق وزيادة مصاريف فكرت اجيب حاضنة تجي الصبح عند بناتي واحط كاميرات بس والله يابنات تعب خاصة لما اطلع والا انا مبالغة شجعوني خايفة بنتي الكبيرة تتعقد وانا مضطرة بعد الله للوظيفة زوجي مخه يجي ويروح الله يعيني واياكم دعواتكم انصحوني..