السلام عليكم ورحمة الله
كيف حالكم
بنات انا عندي مشكلة وهي اني اخاف موت من دكتور الأسنان
والله يابنات مو من شوية
انا وانا صغيرة اتذكر اني كنت افرفروالدكتور يحفر في اسناني والله اتذكر صوت الآلة ( مدري ايش اسمها ) اللي تحفر السن
واتذكر ريحة الاسنان وهي تنبرد
وامي ماسكة رجولي وعمتي مكتفة يديني
والآلم فظيييييييييع
خرجت من عنده دموعي مغطية وجهي وحلفت في نفسي ما عاد اخلي دكتور اسنان يمسك اسناني
المشكلة دحين انو سناني زاد عليها الجير مع اني اغسلها اكثر من مرة باليوم
بس انا عندي جهة ما آكل عليها و هي اللي صار عليها جير ( ما ادري ليش ):22:
ولا اسناني الأمامية والجهة الثانية فيها شي بسيط لا يذكر
احس دحي ان لثتي تعبت وصار ينزل منها دم بعض المرات وانا افرش واكيد هذا من الجير
غير اني صرت ما اثق في ريحة فمي احس ان لنفسي ريحة
بنات انا قررت اتشجع واروح لدكتورة اسنان بس ابغى تشجيع منكم وهل كل دكتور اسنان يألم
وخصوصا تنظيف الاسنان هل يألم
وابغى من بنات جدة يعطوني اسم دكتورة كويسة بس ما تكون اسعارهم نار
الله يسعد كل من ترد عليا ويرزقها اللي تتمنى
تفـــــــاحة @tfah_11
عضوة فعالة
يلزم عليك تسجيل الدخول أولًا لكتابة تعليق.
شوفي يالغلا انا قبل كنت مثلك عندي فوبيا من دكتور الاسنان لكن قبل مده اوجعني ضرسي موت الم عجزت اتحمل لااعرف النوم ولا الاكل قلت خلاص مالي الادكتوره ارحم عندي من الالم ورحت وخدرتني وسوت لي اسنان والله ماحسيت بالم تخدرك وتنتظر دقايق وتبداء تشتغل والله ماتحسي بشي ابد تحسفت اني تركت السن لين انعدم والله ماحسيت بالم ابد بس روحي لدكتوره اريح لك والله لترتاحي من الم الاسنان الى الابد لاتخافي اتركي الخوف بالبيت وروحي للمستوصف
دعواتك
دعواتك
الله يسعدكم وينولكم مرادكم
ياليت احد يفيدني باسم عيادة او دكتورة كويسة عشان اروح بكرة قبل يخف الحماس ..
ياليت احد يفيدني باسم عيادة او دكتورة كويسة عشان اروح بكرة قبل يخف الحماس ..
الصفحة الأخيرة
الحين انا اول ما تالمني اسناني عطول اروح الدكتور
بس عياده خاصه لانهم يسولي بنج
بس المستشفى ياااي رعب ما احب اروح لهم
مدري عندكم انتو نفس الشي!!!