بنات تعالوا شورو على صديقتي زوجها يشك فيها ؟؟؟؟؟

بنات صديقتي في هم لايعلم به الا الله وهي حابه تستشيركم وش الحل مع زوجها الي جرحها


انا قلت لها تكتب قصتها وانتن ماراح تقصرن معها





السلام عليكم ورحمة الله وبركاته
مادري من وين ابداء الدنيا صارت سوداء بوجهي ولا عندي احد اقدر اشكيله لان الموضوع مره مخجل :44:
انا كنت عايشه بسلام وامان مع زوج يحبني ويحترمني ومايرضى على كلمه تجرحني
زوجي طيب معي ويخاف علي بس ربي بلاه برفقاء السوء كل ماطلع معهم رجع وريحته فايحه من الشراب الخمر صبرت ونصحته والحمد لله انه تركه
رحت عند اهلي ولدت عندهم والله يعلم كيف مر النفاس علي تعب لاني قيصريه وبكاء طول الليل والنهار
دق علي زوجي وصوته متغير وعرفت انه رجع للشراب تهاوشنا على موضوع تافه بالتلفون وطلقني وانا من القهر صرت ابكي بدون شعور وكسرت جوالي
تعبت من العمليه الي انفتحت من الصياح
اليوم الثاني اخذت جوال اختي وحطيت شريحتي وصار يرسل رسايل انه غلطان وانا قلت له انت طلقت بس هو كلم شيخ وقاله مالك طلاق لانك منت بوعيك
المهم يبنات ان نصحته وعلشان بناتي سامحته وارسلت له رسايل انصحه واذكره بالله وبعقابه

وقلت له برساله انا ابيك صاحي تحافظ علي انا وبناتي وذكرته مره دق احد من جواله على جوالي وساكت وانا اقول الو الو واستغربت اني اسمع صوت روجي ولايرد بعد شويه دق زوجي وصوته باين انه شارب قال ان خويه بيدق على اهله وغلط ودق على رقمي بس والله يبنات اني ماسمعت صوته لانه ساكت السالفه ذي يمكن لها سنه بس انا كتبتها بالرساله علشان اقوله ان الخمر يظيع الواحد وممكن يستغفله احد ويدق من جواله علشان يسمع صوتي

المهم يبنا انا لي الحين من ولادتي 6شهور وانا بهم وغذاب نفسي زوجي عارف السالفه ذي وهو الي قايل ان خويه غلطان الحين منكر يقول انتي تقولين سمعتي صوته ومره يقول هو مرسلك رساله

ومره يقول انتي خايفه منه وانا ابذبحه قلت له ليش تسوي كذا قال انا شاك فيه من زمان مره اخذا سيارتي وفيها مفاتيح البيت تخيلوا يقول انه دخل بيتي واني خايفه اعلمه وجلس يقولي اعترفي والله اوقف جنبك والله لاشكيه بالشرطه هبلبي احلف وابكي واقسم بربي ماعمري شفته ولا سمعت صوته ذبحني طعني بكلامه
تعبت وقلت له ماصار شي من الي تفكر فيه لاتفضحنا بالعالم وقلت لو احد يدري من عايلتك بهلكلام بننفضح لانا كنا مثال للسعاده الزوجيه كلن يحسدنا على الحب والاحترام يوم قلت لو يدرون اهلك واخوانك بهرجتك ذي شرطه وفضايح ومحاكم قال اجل انتي خايفه عليه فيك بلا قلت لاوالله اذا تفكيرك كذا انا اول من يروح معك للشرطه والمحكمه
تعبت اموت باليوم مية موته يجي من برا قبل مايقول السلام عليكم ياخذ جوالي ويفتشه نص ساعه
صرت ازعل واقول عيب الجوال في وتس اب وسوالف خواتي يقول لا انتي اذا اخذت جوالك يتغير وجهك اكيد فيك شي ويفتش اميلي مره يقولي لقيت اميل ارجال عندي ومره يقول رقم سيارته بجوالي حرام عليه اقسم بالله اني وفيه ولا اعرف الخرابيط هاذي همي اربي بناتي وعيالي والله ماله اميل عندي ولارقم جوال
تخيلم يبنات انه يخليني ادق على صديقاتي يشوف هم رجال او لا لو نص الليل تفشلت مره وحده منصديقاتي خلني ادق عليها من جواله قام زوجها رد قلت ابي صديقتي ردت وقلتلي ليش ماتدقين من جوالك قلت ماعندي رصيد وتعذرت وسالتها عن جداره وش اكتب فيها
وكل يوم يسهر على الكمبوتر ماينام يومين او ثلاثه بس يفتش وانا انقهر افقده وافقد حنانه وافقد الضحكه الي كانت تطلع من القلب انام لحالي وهو يسهر ابكي مايدري عني اقوم من النوم وعيوني متنفخه من الصياح
بنات اخاف انام ماقوم تجيني جلطه براسي ويفقدوني عيالي
مره طلع رقم من جوالي ويسبني بابشع الالفاظ ولو ماصبرت كان ظربني اخذ الرقم وقال دقي عليه قلت هذا رقم وحده وماعمري دقيت لاتفشلني ادق الفجر وش اقولها قالت اختي تدق علي منه لانه رقم اخت زوجها قال دقي على اختك وتاكدي من الرقم دقيت وتاكدت وسالتني اختي وتقل شكت قالتلي زوجك يبيه قلت لا انا ابي الحرمه بموضوع وسكتت اختي وهي تقول امانه فيك شي قلت لا وانا ابكي مقهوره قال زوجي انه ارسل رساله على هذا الرقم الي هورقم اخت زوج اختي ودق عليه هذا الرجال وشك في وشلون مدري كيف صارت بس مشيتها وانا اقول حسبي الله ونعم الوكيل

امس دخل علي وهو مره باين عليه ان فيه شي ولا سلم وبسرعه اخذ جوالي زعلت وسكتت قالي ليش وجهك متغير قلت مافيني شي وانا والله يحز بخاطري ان جوالي صار اهم مني
رحت له الغرفه وانا على نيتي قلت له يحياتي اول متدخل سلم واجلس معي وبعده حلال عليك الجوال قال لا انتي فيك بلا تغيرتي يوم اخذت الجوال بكيت وقالت حرام والله ماتلقى شي قالي كلام صدمني وكسر نفسي قال الرجال هذا شايفه تحت العماره معه واحد ويم شافني تغير وجهه طيب انا وش دخلني انا في بيتي عند عيالي عند شغالتي قال ليش يمر بحارتنا
قبل كذا اصحابه قالوا له ان الرجل هذا يمر بالحاره وزوجي مقهور منه يقول بشوه سمعتنا لزم اشكيه قلت خلاص كلم الهيئه يراقبونه وقلت له انت تشك بحريم عمارتنا قال لا وانا بقلبي اقول جل بس انا الي تشك فيها وسالته مره ثانيه حريم جيرانا شريفات قال مدري

اكتب وانا ابكي وبنتي تناظرني مستغربه ماتدري عن حال امها المطعونه
بنات زوجي بعد كل الي يسويه يرجع ويقول انا ماشك فيك طيب ليش كذا والله حرام ياخذ جوالي ويسحب كل الي فيه ويحطه على الكمبوتر وانا ساكته اقول خليه يفتش مارح يلقى شي بس بقلبي احس اني وصلت لمرحله بس ودي اعيش علشان اعيالي مابي شي وعسى ربي ينتقم من اصحاب زوجي وكل من يبي يخرب بيتي وعسى ربي يعذب كل من يقذف المحصنات الي ببيوتهم مايدرن عن شي
بنات ادعولي ينصرني على من ظلمني وياخذ حقي منه سواء رجل او حرمه ويهدي زوجي لاني احسه مرض وسوس من هرجال ومن جوالي الي دايم اقوله اذا شاك اكسره او حطه فاتوره وراقبني ليل نهار

تعبت وطلبت الطلاق ورفض وطلبت ندخل احد بينا رفض يقول انا اثق فيك اكثر من نفسي طيب ليش هالمعامله انا ماودي ابوي الشايب الكبير يسمع هالسوالف يموت قهر
والا ودي اخوي الي يعتبر زوجي صديقه يخسرون بعض ولا ودي اعيالي يخسرون ابوهم

زوجي طيب والله طيب بس تعب نفسيا من هالموضوع الي ظلمني فيه وظلم نفسه
حسبي الله هو نعم الوكيل

والله ماعرف احد ولا عمري كلمت احد والله اني شريفه عفيفه تكفى ارحمني

الله يوفق صديقتي الي خلتني اكتب يمكن القى حل