كيفكم حبوبات
بصراحه ترددت قبل لا احط رسوماتي وكتاباتي المتواضعه بين يديكم
بس قلت يالله اشوف رايكم صحيح انها على قدي بس اتمنى انها تنال اعجابكم
اللي بيقرا الكتابات بيقول هذي كل الحزن فيها ترى لا لاني اعبر عن اي شي يضايقني بالكتابه فاضخم الامور عشان اطلع اللي بداخلي ورسوماتي رسمتها علشان قصايدي
اخليكم معها وكل وحده تقولي رايها واتقبل اي نقد بصدر رحب :)
بنات ملاحظه ترى انا اكتب اساسا بس الرسم كذا وانا قاعده اشخبط وتطلع معي
.اتعبني هالزمن قاسي
عيشني بوحدتي مجبور ..
وحيد بدنيتي تايه ..
حزين وخايب ومحسور ..
وحيد بوحدتي غارق
وحيد بداخلي ذايق
الم من خافق مكسور
تعبت من هالزمن مره
ذوقني شينه ومره
ورماني بشاطئ مهجور
غارق في بحره الهايح
وسجني بموجه مأسور
تعبت من هالحياه اللي
عشت بوسطها مغدور
تعبت من هالحياه اللي
عشت بوسطها محظور
اتعبني هالزمان
طفاني رماد انسان
واشعلني جمرة مقهور
سواني من الحزن دوله
فيها الهم والالم دستور
وصارت لي وحدتي
منزل معمور
صبرت سنه وايام
ومرت معاها شهور
وزاد الحال وماتغير
مازلت مشتت ومنثور
هذي قصتي
قصة رماد انسان
وبخلي الباقي المستور
هذي الرسمه راسمها راسم ايراني وعجبتني ورسمتها طبعا ماتصف عند رسمته على قدي
هذي اقرب قصيده لقلبي
مليت عايشه بدنيا بها هم واحزان
مليت عايشـــــــه بين ناس كذابه
دنيا بها من النـــاس اشكال والوان
دنيا بها من العـــــــجايب والغرابه
دنيا مالك ابــــد فيها احباب واعوان
مافيها غــير ظلم وهم وناس لعابه
هذا هــــــــــمه عيب فلان وعلان
وهذا عايــــــــــــــش بحزن وكئابه
وهـــــــــذا تخلو عنه خلان واخوان
وهــــــــــذا غدروا به اعز اصحابه
ياقــــــــــــلب ارتاح مالك ابد خلان
يوم احتجتهم كلن سد عنك ابوابه
ليت لكل حبيب وحبيبه بهالدنيا نصيب
وليت بهالدنيا مافيه فـــــــــرقا ووداع
وليت لجرح الحـــــــــب والفرقا طبيب
يداوي غريــق الحب مكسور الشراع
كان مابه بهالدنـــــــــــيا دموع ونحيب
وكان مابه احـــــدن تاه بدرووب الضياع
وكان مابه احدن سهر ليله ودمعه سكيب
وفي نفسه حـــزن وحسره وقمة صراع
غـــــريبه هالدنيا وكل شي فيها غريب
للـــفرح ساعه وسنين للحزن والالتياع
وسنين من الفرقا ومن الحال الصعيب
وبس ساعـــــــــــــــه للقيا والاجتماع
نشـــــــوف ونصبر وبسهامها لنا تصيب
نــــــــــــــــــطاوعها بقولنا امرك مطاع
نصــــــــبر ونصـــــــــــبر وراسنا يشيب
وبعضنا مل الصبـــــــــــــر وما استطاع
اياليت وليـــــــــــــــــــت امانينا تستجيب
كان مابه احـــــــــــدن مات مقهورولا ضاع
علمتني الحياه
ان احتفظ باسرار قلبي ولا ابوح بها لاحد حتى لاقر ب الناس الي
لانهم ربما يكونون اعدائي يوما ما!!!
.....
لما نخدع انفسنا بلاحلام؟!
لماذا نحاول الهرب من الواقع الذي نحن فيه
هل هي المنفذ الوحيد للهرب من واقعنا !!
لماذا لا نحاول ان نتجاوز مشاكلنا ونواجهها
فاصعب شعور!!
عندما تحلم وترسم حياتك كما تريد
ثم تتفاجا بصفعه الواقع
...
كم هو من الصعب ان تكون مع الاخرين ولكن قلبك بعيدا عنهم
مبحرا في بحر الحزن غارقا بين امواجه المتلاطمه امواجه الحمراء التي غرقت بدماء قلبك
فتنعكس هذه الصوره الحزينه على عيناك
فتحاول جاهدا ان تخفيها ..
فتخونك عيناك وتفضحك ؟...
ياصاحبي لاتشكي هم دنياك كلن عنده بهالدنــــــيا همومه
كلــــــــــــــــــــن عنــــــــــده بهالدنيـــــــــــــــــا همومـــه
عـــــــــــش زمانــــــــك وارســـــــــــــــم البسمـه بمحياك
ولاتفكـــــــــر بباكر وعـــــــــــــــــــــش كل يومن بيومـــــه
ولاتســـــــــلم القلــــــــب للــــــــــــهم لاجـــــــــــــــــاك
ودايـــــــــــــــم الجــــــا لربــــــــك مو وقت اللزومــــــــــه
وابعـــــــــد عـــــــــن الهوى ترى ان طحــت فيه اشقــــاك
واسمع كلامــــــــــــــــي وصـــــح القلب من نومـــــــــــه
تــــرى السعــــــــــــــــــاده مو بقــــــــــــــرب ذولا وذولاك
ولا هــــــــــــــي شـــــــــــــي بفلوســــــــــك تســــومه
صــــــــــــــــل فرضــــــــــــك وطـــــــع ربك وتصدق بيمناك
ولا يمــــــــــــر اثنيـــــــــن وخميــــــــــــــــــس الا وصومه
واطلـــــــــــــــب المغفـــــــــــــره من اللي سواني وسواك
وصــــــــــــــــــــل ركعـــــــــــــــتين كل مابان الليل ونجومه
ولا تحـــــــــــقد ولا تحســــــــــــــــــد وخل الطيب مبداك
وخلك من اصحـــــــــــــــــــــاب القلـــــــــــــــوب الرحومه
هــــــــــــنا السعـــــــــــــاده ولا تدورها هنا وهــــــــــــناك
الـــــــــــــسعاده بقـــرب ربك وخذهـــــــــــا معلومــــــــــه
هذي نصيحـــــــــــــه من صحــــــــــــــيب يحبــــــــك وتمناك
تعيش مبســـــــــــــــــــــوط وتبعد عن هم الوقت وغمومــه
دمتم بود
ردودكم تسعدني
ابداع