ماصار إلا الخير عرفتي انه مو خالتك وحذفتيه وخلصنا

لكن انتي غلطانه لاتضيفين ناس إلا تعرفينهم شخصيا أو على الأقل معرفه طويله بالنت مو تجين تقولين ابي بنات اضيفهم وتضيفين أي احد
هذا أولا
ثانيا معقوله خالتك ما اجتمعتي معها او كلمتيها تليفون وجا طاري البلاك بيري وقالت لك مو هي

الشيء اللي يميز البلاك بيري خدمة الدردشة اللي فيه وهذي الخدمة مالهآ دآعي وتفتح ابوآب الشررر ... غيري جوالك عشآن مآتشوفين البلآوي من النآس قليلين الحيا :35:
اذاعندك ماسنجر اضيفي صاحباتك وقريباتك وكلميهم .. المآسنجر أفضل وآمن ..وكذآ تقطعين باب الشك والشرر

حطي جهازك في الزباله لان زوجك مهما تفهم الوضع بيضل ذاكر ه دام الجهاز معك

بقولك رايي من عدة نواحي :

الناحية الأولى : أحمدي ربك وإسجدي سجود الشكر إن زوجك ماشاء الله تبارك الله مو من النوع المتعصب الشديد وإلا أي واحد بيشوف الصوره اللي مرسلها هالآدمي بيثور وبيصارخ وبيكسر الجوال بعد ..

الناحية الثانية : أنتي غلطااااااااااااااانه معليش من قالك تضيفين أحد ما تعرفينه بالمنتدى ..؟؟ مو تشكيك ببنات عالم حواء لا والله بالعكس كلهم على راسي من فوق وتراي وحده منهم لو بشكك فيهم معناته بشكك بنفسي .. بس خلينا نفكر فيها من ناحية عقلانيه ماتعرفين الشخص ولا لك أي صله فيه أضيفه ليش عساي أضيف كل اللي يقربون لي عشان أضيف ناس ما أعرفهم .. هذي وجهة نظري أنا عندي بي بي لكن ما أظيف كل أقاربي تدرين ليش لأن حنا حريم متزوجات مو فاضين للإزعاج 24 ساعة ومو كل الأقارب تبينا عشان حب فينا إلا لقافه وحب إشراف ..

من ناحية ثالثة : ليش ندمانه إنك دعيتي عليه إلا يستاهل ويستاهل نقول الله يهديه ونقول يستاهل بعد محد عاقل يسوي سواته لو مرسل أي شيء وصخ مايمت له بصله ممكن أهون من اللي أرسله .. حسبي الله ونعم الوكيل والله يهدي شبابنا ..


شوفي حبيبتي الحين اللي صار صار خلاص سالفه وإن شاء الله إنها عدت على خير .. بس من الحين أقولك اللي مالك علاقه فيه ومجرد زيادة عدد في البي بي إحذفيه عشان مصلحتك وعشان لا تجيك مشكله أكبر لا سمح الله ..

إذا تبين تحسنين وتصححين اللي صار بنظر زوجك قولي له حذفت كل اللي عندي باللسته وماراح أضيف إلا أقاربي.. أو أبي أغير البين حقي عشان خلاص ماراح أضيف إلا اللي أعرفه .. عشان يحس إنك مو راضيه باللي صار


هذي وجهة نظري أتمنى إنك ما تزعلين بس الأخطاء وش فايدها إلا إننا نتعلم منها ويكون درس من دروس الحياة :)

عزيزتي المفروض انك ماتقبلين اي شئ يجيك مهما كان لو احد يعرفك كان ارسل لك اسمه


لاكن هي مثل ما يقولون كل طراق بتعلومه وهذا درس لك

واللي يقول لك البلاك سبب للمشاكل لا والله ماصدق هذا هو معنا له سنين والحمد لله ما صار لنا شئ
كل شئ واستخدامه كل شئ فيه الزين والشين ياقلبي

تعرفنا على ناس من المنتديات وغيره وربي ينحطون على الراس وفيهم الخير واللي مايعجبكوالا تحسين انه مو طبيعي خلاص سوي له ديليت وتجاهل خلاص ماعاد يقدر يظيفك عنده وزوجك الحمد لله انه عرف الوضع و واثق فيك