بنات تعالوا شوفوا وش صار في العيد

أولاً: السلام عيكم ورحمة الله وبركاته
ثانياً: كيف أصبحتم يا بنات حواء الشاطرات<<< ( أسمع أصبحنا واصبح الملك لله)
ثالثاً: عيدكم مبارك مقدماً وجعلي واياكم من الفايزين والعايدين قولوا آمين ... شاطرين
المهم<<< لا يكثر الحكي
الموضوع اللي جايتكم فيه يضيق الصدر شوي بس ودي نتناقش فيه سوا عشان نحط يدينا على المشكلة ونحاول علاجها...
انا اليوم طار عني النوم من التفكير بالعيد وش اسوي فيه وش البس وش أحط وهذي للأسف حالتنا متعلقين بالدنيا وزخارفها الفانية...وطبعاً أكيد انتم تعرفون ان التفكير بها الموضوع مقرف من كثر
غش المشاغل والكوافيرات وهاتي قص وصبغ وحمام مغربي و و و.. ومن قبلهم نصب حقين الملابس والذهب والاكسسوارات والساعات والشنط والجزم و و و و :09: وبعضنا لازم يصير يلق في العيد لق يعني تشتري كل شي جديد وتلمع نفسها تلميع وما تغفل عن أدق التفاصيل... وهذا الشي يكاد يكون مستحيل لأنوا ما عندنا الوقت أو ماعندنا مال أو ما عندنا خلق:(
طيب وبعدين .. صرنا بين ثلاث خيارات لا ثالث لهما:
الأول: أن نضغط على انفسنا لتحقيق أكبر قدر ممكن من الحاجات (الدنيوية) وهذا يخلينا ندخل في متاهة لأن النفس ما تشبع بطبعها وكل مالبيتي لها طلب طلبت منك ثاني وماراح تخلصين ويمكن تلاومين نفسك على بعض الأشياء اللي ما قدرتي عليها وتحسين بحزن إذا شفتي أحد مسويها في العيد

الثاني: (وهو المفروض) ان نتنازل عن بعض الحاجات ونعسف النفس ونمنعها من هواها <<يعني بالعامي مو لازم كل شي مزبط على الاخر يعني مثلاً تنازلي عن بعض الاشياء مثلاً قصي شعرك عند كوافير بس استشوريه بنفسك واشتري طقم مرتب ومو لازم شنطة ماركة (فهمتوا علي) بس للأسف انه يندر منا من يفعل ذلك ابليس متشطر علينا على الآخر وكل وحدة مو راضية تتنازل عن شي من حطام الدنيا هي قادرة عليه وتكون قدوة لأخواتها

وهذا اللي خلا الناس تلجأ للحل الثالث وهو

















الهــــــــــــــــــــــــــــــــــــــــــروب
تخيلوا العيد عند اهلي حتى الآن علمنا انه أكثر من ثلث المعزومين ماراح يحضرون ...والسبب؟؟؟
قالوا أسباب خارجية مثل السفر واللي قال مرتبط (أحد يرتبط صباح العيد بغير العيد!!!) ولما تطقست الأخبار قالوا لي الحقيقة أنهم ماشروا لبس أو ما قدروا يكملون لبسهم واللي قالت أنا مليت من المناسبات في الصيف ومالي خلق على التكلف للعيد ؟؟ طيب ليه التكلف أصلاً ليه يابنات صرنا كذا جاوبوني تكفون:icon33:
وآسفة على الإطالة وعلى عدم وضوح الافكار وعدم ترتيبها وهذي لكم:26: