الله يشفيك ياقلبي روحي لااخصائي واعرفي سبب المشكلةوخذي فيتامينات وحطي زيوت واهم شي ارقي نفسك واصبري ان شاء الله ايام وتمر وووتكتبين لنا ان ربي شفاك يارب
الصفحة الأخيرة
هذا ابتلاء من الله00ومن رضي فله الرضا ومن سخط فله السخط
تصدقين عاد
انا عندي بنت ما فيها فراغات00لا00لا00الا صلعه00اي والله العظيم صلعا بمعنى الكلمه
يعني جلدة راسها زي كف يدها00مافيها ولا شعره
هي اول ماجبتها كانت فيها شعر خفيف
وشوي شوي تساقط شعرها لحد ماصارت جلدة راسها ملسا
ووديناها لكذا دكتور بدون اي فايده
لحد ما صار عمرها اربع سنوات 00وصارت تفهم
وتشوف خواتها عندهم شعر وهي ما عندها00فكانت دايم تسألني000
انا ليه ما عندي شعر00؟؟
وانا الدموع تتحجر في عيوني00وماادري شقول لها
ووالله كانت تقول كلام واجد يقطع القلب
وتمر بمواقف لاتحسد عليها
حتى صارت حساسه لأبعد حد00اي احد تشوفه يطالعها00تظن انه يطالعها عشان ما عندها شعر
واي احد يتكلم ويطالعها تظن انه يتكلم عليها عشان ما عندها شعر
مع انها تكون لابسه قبعه ومايبين ان مافيها شعر00بس احساسها يقولها ان الكل يستهزء فيها
المهم
صرت دايم ادعي لها في اوقات الاجابه
وبالذات في آخر الليل00اوتر وادعي لها في السجود
ووديناها لدكتور وعطانا لها علاج عباره عن قطاره وعلاج ثاني تركيبه الصيدلي هو اللي يسويه
واستمريت على العلاج والدعاء والحمدلله شوي شوي بدا الشعر يطلع
وتخيلي فرحتها00
كانت كل شوي تروح قدام المرايه وتطالع راسها بكل الاتجاهات وتقول
طلعلي شعر
والحمدلله الحين كثر شعرها ما اقولك صار كثيف00بس المهم انه عبى راسها
بس كل ما طال شوي اقصه لأنه اذا طال يبين انه خفيف
وفيها بقع فراغات00تتنقل في راسها من مكان لمكان
وانا الحين مستمره على العلاج والحمدلله هي في تحسن
بس اذا تكيسلت وما حطيت لها علاج احس ان شعرها يبدا في التساقط
والدكتور يقول لازم الاستمرار على العلاج فتره طويله
لأنها مصابه بالثعلبه الخبيثه اللي هو تساقط جميع شعر الجسم
وهذي علاجها يطول مب زي الثعلبه العاديه
والحمدلله على كل حال
انا كنت احاتي دخولها المدرسه بدون شعر لأنه اكيد بتحصل مواقف من البنات
بس الحمدلله ما جا وقت المدرسه الا الشعر مغطي راسها00ياربي لك الحمد والشكر
بس مافيها حواجب الا شعر خفيف جدا ما يبين
وتقول اختها اللي معاها في المدرسه ان البنات دايم يسألونها00
ليه اختك ما عندها حواجب00؟
وانا اقول في نفسي الحمدلله الحواجب ولا شعر الراس
الحمدلله الله فكها من هالهم
الحين هي في اول ابتدائي وناجحه لثاني
انت روحي لدكتور الجلديه وان شالله بتلقين العلاج اللي يشفيك شفاء تام
ولا تعتمدين على الخلطات والزيوت00هذي ما اظنها تفيد زي العلاج الطبي
وعليك بالصلاه آخر الليل والدعاء ثم الدعاء ثم الدعاء
الله يشفيك ويشفي بنتي وجميع مرضى المسلمين