بنات تعالوا قولولي ايش دا اللي صار

مساكم كادي


بنات أنا حللت بداية الشهر دا وطلع عندي ارتفاع هرمون حليب + خمول في الغدة بنسبة بسيطة

أعطتني الدكتورة العلاج

وبدأت استخدمه

وفي نفس الوقت رحت عند ممرخة مرخت قالت رحمك مايل


والحمدلله حسيت بتحسن


المهم ليا من بداية الشهر وأنا مش أنا إرهاق عجيب وخمول اعجب

بس أبغى انسدح مانفسي ارفع إصبعي

ودوخة وصداع

والدوخة بشكل مبالغ فيه

كل شوي ادوخ في مكان أعوذ بالله

لدرجة قلت والله ما انزل اقضي لرمضان أخاف أطيح في السوبر ماركت


وأحس نفسي في بلعومي

كأني ابستفرغ

وشهيتي مرا صارت قليلة

طبعا بدأت اشك فقر دم!! او بسبب الدوا

او مشكلة تانيه!!


وكمان عندي نغزات اسفل بطني وعلى الجوانب مش الم لا نغزات

ونفس الشي في المبايض

قلت بزوجي هيا نروح المستشفى قال اصبري لين تجي الدورة

دحين باقي ع الدورة 4 أيام قبل ساعتين كنت أرتب البيت عشان رمضان

ماشلت شي تقيل لكن تحركت مرا كتير

وحسيت بشي نزل


مسحت بكلنيكس طلعت نقطة دم فاتحه قلت شكلت الدورة جات

مع أنها ماتنزل عليا فاتحه او نقطة

المهم وماعاد نزل اي شي أبدا

لا افرازات ولا دم

والدورة طبعا المفروض تجئ بعد 4 أيام وعندي نغزات في بطني و ع المبيض

بصراحة استغفر الله ماني متوقعه حمل او خليني أقول ماابغى أقول حمل بعدين اتحطم


لكن دخلت أشوف البنات لقيت أنهم يقولوا علامة حمل

وبعضهم يقول حمل ضعيف

خفت بصراحة


دحين قولولي رأيكم وايش اعمل

والله أخاف اعمل تحليل ويطلع مافي


وفي نفس الوقت أخاف اني مااعمل ويصير إجهاض لو فيه حمل

والحين رمضان أبغى أنظف وحاس راسي


ايش رأيكم او ماهي أعراض حمل؟

علما انه ما احس بأي شي في صدري


جاوبوني الله يسعدكم يارب :confused: