السلام عليكم ورحمة الله وبركاته
صباحكم ورد
×؟×
حبيباتي أنا ما حضرت اللخبطة اللي صارت في المنتدى البارح
واقصد بها المواضيع اللي انتشرت
وتروج لموقع مشبوه عن الـ ....
لكن قرأت مواضيع لبنات كاتبين نداء للمشرفات
وحاطين رابط الموضوع ويقولون احذفوه !!
طيب ماهو انتم كذا نشرتوا الموضوع اكثر ؟!
انا عن نفسي ما عرفت عن هذا الموضوع الا من خلال الروابط اللي انتم حاطينها
يعني كذا انتم مساهمين في نشره ولا لا ؟!
ثانيا ،، لما اطلعت على الموضوع المشبوه لقيت البنات يردون عليه
وهاتك يا سب ودعاء وغيره
طيب انتم كذا ما ساهمتوا في رفع الموضوع وبالتالي ساهمتوا
في زيادة عدد القراء ولا لا ؟!
بتقولون حنا بنوقف هذي الشرذمة وبنعرفهم ان حنا في عالم حواء
مالنا في هالخرابيط
طيب من وين تضمنون ان غيركم ما يفتح هذي الروابط
سواء من الزوار او حتى العضوات المراهقات ؟!
. .
حبيباتي تعالوا نتفق
وإذا أنا غلطانة نبهوني
:)
نتفق اننا ما نرد على هذي المواضيع حتى ما نرفعها ونساهم في نشرها
نتفق اننا ما ننزل مواضيع في الاقسام تتكلم عن هذي المواضيع مع وضع روابطها
عشان لا ننشرها أكثر وأكثر
ادري بتقولون اننا ننقهر وغصباً عننا نرد عليهم من غيرتنا على عالمنا وعلى ديننا و على الأخلاق
طيب المطلوب مننا في هذي الحالة اننا نبلغ المشرفات عن طريق
الايقونة في اسفل الرد
او التبليغ في قسم الملاحظات والشكاوي
. .
بكذا نكون ساهمنا في تنظيف عالمنا
وبنفس الوقت ما ساعدنا هذي الاشكال في نشر سمومهم
وصباحكم ورد يا وردات
بلغتهم..وفيني حرّه ابي احطها فيهم بس متأكده بكذا راح ارفع الموضوع ..واللي ماشافه بيشوفه...واتعوذ من بليس..
بس البنات الله يهديهم..
وشوكرن