والله لسا مابد يت الا بدولاب الملابس بس شجعتونى

الف شكر لكم يابنات على تفاعلكم
انا عن نفسي
بديت بغرفة النوم بالدولايب
رتب الملابس حطيت الملابس القديمه في اكياس على جنب
بعدين اشوف لها صرفه
والملابس اللي ماتنلبس الشتويه كمان رتبتها في اكياس وحطيتها تحت السرير
صار الدولاب واسع كانت اخاذه مكان على الفاضي
كمان رتب التسريحه جبت علب وحيطت فيها الشباصات والاغراض الطايره هنا وهناك
بعدين فتحت دولاب الشراشف والاغراض الخاصه بالضيوف مثل المناشف والسجادات

اخذتها وطلعت كل المناشف واغطيه المخدات والسجادات والشراشف وغسلتها بعدين بخرتها
وبخرت الدولاب الخاص بالضيوف وطبقت الاغراض فيه
واليوم ناويه ارتب الغرفه اللي فيه الكمبيوتر بطلع الكنب اللي فيه واغسل الارضيه زين
وامسح الجدار
فيه دولاب برتبه واحاول اطلع السوق اخذ مفارش صغيره وحلوه للتسريحه والكمودينه
وبكذا خلصت من غرفة النوم واليوم الغرفه الثانيه
بعدين بكره بإذن الله بنظف جدار الصاله
والسجاد والكنب بإجله لاخر مضان
بعدين بأتجه على المطبخ ببدء فيه شوي شوي
لان الشغل فيه زياده اكيد بيتوسخ بسرعه
عشان نأجله لين 25 رمضان
والصاله اللي فيها جلستنا دايما بخليها ل26 رمضان
بفرك السجاد والكنب ( في ناس مدحو لي منظف اسمه 902 للسجاد احد سبق وسمع فيه))
عندي مجلس الرجال تقريبا مايبغى له شيء لانه دايما يتنظف

وهذا اللي في باللي

ماشاء الله غرور شجعتيني اكثر
انا نزلت ستاير المجلس البارح وغسلناهم اليوم كويناهم وركبناهم
وشغالتي ردت أشتغلت بالمطبخ بعد الفطور الله يهديها ويهدينا
وجاتني جارتي فاجلت باقي الشغل
بس انشغلت بعمل خلطة زيت لشعري وجلست طول الوقت اطحن ف المقادير وجهزت السحور وصليت وجيت اشوف شو سويتوا تشجعت عسى بكره افر على مكاتب غرف الجلوس

ربي يخليكم جميعا ويجعلنا و ياكم من المرحومين المغفورين المعتوقين من النار المقبولين:26:

تحمسون الواحد للشغل

متابعه

انا ببداء اليوم ان شاءالله ارتب حوسة رمضان وببداء بغرفة النوم
اما العيد ماعندي عيد غير عن كل سنه الحمدلله على كل حال والله يفرجها على خير يارب