بنات تعالوو اختي المسجونه عند اهل زوجها رجعت لنا

السلام عليكم ورحمة الله وبركاته

هذي الروابط الي ماتعرف القصه
http://forum.hawaaworld.com/showthread.php?t=2547689&page=19

http://forum.hawaaworld.com/showthread.php?t=2820805


صراحه من الفرحه مدري من وين ابداء يوم السبت الساعه 10 ونص صباحا جتني رساله من زوجي يقول0
((عندلك بشاره ان شاءالله بتفرحين مره بس دعواتك يتممم على خير )) انا كنت نايمه اناظر الجوال قلت يارب تكون البشاره في اختي وجلست ادعي لان ماعندي رصيد اكلمه ويوم جت الساعه 11 صباحا الا اسمع صوت ضرب الباب وبقوه
قلت في نفسي هذي البشاره مسكت الرجولي لان خايفه من هذي البشاره حسيت الباب بعيد وافتح الباب الا زوجي
يقول اختك رجعت وهي في بيت خالتك انا اقوله كيف تكفى لان من هول الصدمه ماعاد عرفت اوقف اجلس اضحك ابكي قلت تكفى كيف قال البسي وفي السياره اقولك بوديك لها انا مادري الا وانا في الغرفه لبست انا وعيالي وركبنا السياره واقول زوجي اخلص وقولي كيف وش القصه
(((خالتي وجدتي بيوتهم جنب بعض مرره اهي اختي تعرف بيت جدتي ولاتعرف بيت خالتي لان اختي غايبه عنى سنه ونص وكل شي تغير عليها ))))
قال اختك اكسرت شباك صالة اهل زوجها وهربت من بيتهم
قلت صدق ياحياتي
قال لاوهربت بدون عبايه بجلاله يبنات تخيلو جلاله مره خفيف وطلعت الشارع ماتدري كيف تروح وين وبصدفه لقت سياره فيها من اهل سوريه الله ينصرهم يارب ومعه حرمته اشرتلهم وقفولها
وقالتلهم ودوني بيت اهلي تكفون
قالولها اركبي وماتعرفي غير بيت جدتي الي اقرب شي ورحتله ومن حضها جدتي مسافره بس زوج خالتي الثانيه كان نايم فيه ومافي احد في البيت طقت الباب والا فتحلها وخاف منها اول مره يشوف وحده بدون عبايه وتغطيه بجلال
قالها مين انتي
قالت انا فلانه عشان يتاكد منها قالها مين انا قالتله انت فلان
قالها ادخلي لين اجيب خالتك الي قريبه ومن كثر ماهو مصدق قفل عليها خاف انها تهرب مره ثانيه وجاب خالتي وشافتها وتاكدت انها اختي وتحاضنو وجلسو يبكون وكل واحد يناظر وجه الثاني ومومصدقين ووعلمو ابوي وامي وجو ورجولهم ماتشيلهم وشوفو القاء كان شي يقطع القلب تخيلو رجال يبكي ابوي حضنها وباعلى صوته صار يبكي وامي بعد الي حضنتها وصارت تبكي وماقدرت توقف :(
وقامت تقولهم سامحوني بكل الي سويته لكم امي قالتلها احنا مسامحينك بس ليش شكلك كذا يبنيتي كان شكل اختي حالقه شعرها مثل الاولاد وجها في خدها في زراق كنها مضروبه وصارت هيكل عظمي قالت وش فيك يابنيتي قالت من يوم منعوني منكم وانا مااكل غير جبن وخبز ومويه ماعاد عرفت طعم الحياة يوم اكل ويوم لا تقول يومها انا مريضه انا صرت اوسوس قالت طيب ليش مسويه كذا بشعرك تقول من كثر ماصرت اوسوس صرت اشوف شي بشعري وصرت اكرر الصلاة قم مره وصرت كثير اتوضاء وتعبت وتركت الصلاة فتره ماعاد اصلي لي شهرين بديت اصلي امي قامت تحضنها وتصيح ليش طيب مانعينك منى قالت انا يومه ماادري يقولولي انتي مريضه اذا عالجناك وديناك عند اهلك وشفت مرت سنه ونص ماودوني قالت مالي غير اهرب وهربت تهيلو يابنات هربتوتركت عيالها قالتلها امي وين عيالك قالت تركتها عشانكم يامي اخترتكم انتم وعيالي عند اهلهم انا ماقدرت اخذت عبايتي عشان اخذ عيالي
والمهم امي اخذتها وراحت بيت اهلي
وقامو اهل زوجها واشتكو الشرطه انها هربت من عندهم اتصلو على امي وسئلوها البنت عندكم امي قالت اي قال ممكن نكلمها وكلموها وسئلوها اذا اهلي هم الي هربوها والا هي الي منحاشه قالت لا انا طلعت من عندهم ولا ابيهم قالو يله مع السلامه لهم وجه بعد يششتكون


تصدقون يابنات اني الي الحين مو مصدقه انها رجعت لنا بس اهي تعبانه مره وابوي بوديها دكتوره نفسيه
ادعولها بان ربي يشفيها ويرجعلها بناتها وناخذ حقنا من اهل زوجها
والحمدلله يابنات حبيت اعلمكم لانكم ماقصرتو رجعت اختي من فضل ربي ثم من فضل دعائكم والله اني ماراح انساء لكم جمييلكم ابدا ودائم راح ادعيلكم :)

وجزاكم الله خير
اعذروني على الاطاله