بنات تعالو اقرأو قصة حملي وولادتي ووفاة ابني

مساء الخير ياصبايا
بنات انا حملت  وكنت حاب الحمل كثير وحاب افرح بحملي ونفسي اولد واشيل ابني ونطلع مع بعض من المستشفى ويجي بصحه وسلامه وانفس واستقبل الناس والبس هاي كانت اقصى امنياتي ﻷنه بأبني اﻷول خلفته ودخل المستشفى 14يوم بقدرة رب العالمين رجعلي بالسلامه بعد ماخبرونا الدكاتره انه خلص لاتستنوه لكن قدرة رب العالمين فاقت كل اشي كان ابني شارب من مية الراس بسبب اهمال من الممرضات ....المهم  رب العالمين كرمني بحمل ثاني وكنت اتمنى ماتنعاد الي صار معي بأبني اﻷول حملت واول 3شهور ضلت تنزل افرازات لونها اصفر وبني واحمر ووردي واخدت المثبت طول ل3شهور بعد ماخلصت الشهور اﻷولى استقر وضعي بالرابع والخامس  بداية السادس بلشت اتعب احس عظام جسمي كلها بتتفتح وخاصه من تحت وتنزل علي افرازات احس فيها وهي تنزل واحسها متل المي رحت ع الدكتوره وقلتلها فحصتني وحكتلي امورك ممتازه والي بتحسيه عادي ﻷنه بلش البيبي يكبر حكيتلها انا خايف الي بنزل مية الراس حكت ﻷ هاي مية الراس حجمها ممتاز وعنق الرحم طوله ممتاز كانت زيارتي الها يوم الخميس رجعت عليها يوم السبت كان نازل علي افراز سميك مع دم حكتلي رح اعطيكي ابرة مثبت اخدتها وارتحت زي ماحكتلي يوم الثلاثاء صابتني قحه شدييييييسده يو اﻷربعاء الصبح اول ماصحيت وصارت مية الراس تنزل بشكل مخيف كأنها حنفيه مفتوحه بقوه انا شفت هالمنظر ومتت ورحت ع الدكتوره مباشره كانت مية الراس كلها خالصه وحكتلي هلأ رح اعطيكي مضاد حيوي وبعملك تحاليل وبتروحي ترتاحي بالبيت بس حكينا مع دكتور ثاني قال ضروري ادخل المستشفى واضل تحت المراقبه دخلت 3ايام وبعدين طلعت ورجعت للمستشفى بعد 3ايام وجاني الم الولاده الطبيعي وولدت ابني وتقطبت وعاش اقل من يومين وتوفى ﻷنه ببداية السادس وكانت اعضاء جسمه الداخليه مش مكتمله  ﻷنه صغير لو اني مخلص السادس بكون الوضع اسهل .....طبعا انا كنت عارف انه هيك رح يصير معي ﻷنه اﻷطباء من اﻷول فهموني كل اشي  .....الحمدلله رب العالمين على كل اشي ربنا اكيييييد اختارلي اﻷفضل الي وﻷبني ان شاء الله يكون شفيع الي وﻷبوه وﻷخوه يوم القيامه يارب.....طولت عليكم اعذروني ومين صار معها مثل حالتي .....ومتى بتنصحوني لو بدي افكر بالحمل انا ناوي اريح جسمي سنة تقريبا ....وخايف من اعادة التجربه اللهم اجرني في مصيبتي وارزقني خيرا منها .....دعواتكم