بنات تعالو اقولكم قصة بنت جيراننا ولتعلمن ان كل تأخيره وفيها خيره

بسم الله الرحمن الرحيم

والله بنات يحزنني لمن اقرا مواضيع بعض البنات عن الزواج وكلام الناس وانا مالومهن لانها فطرة في كل انثى تتمنى زوج وبيت اولاد وماينكر هالشي احد حتى لوكابرت وقالت مايهمني غير كذا مجتمعنا مايساعد دائما يضع البنت بوضع صعب وانها هي المتهمة على سبيل المثال لوتاخر زواجها والكل يلومها ليش ماتزوجتي يعني الزواج بيدها هالحين؟؟؟؟؟؟؟؟؟؟؟؟؟؟

واللي يقهر اكثر هالحريم اللي يحشرون نفسهم بكل شي ويضيقون خلق البنات في كل جمعه ليش ماتزوجتي ومن هالسوالف طيب ليش هي اشتكت لاحد منكن ؟؟؟؟؟؟؟؟؟؟

والله اني ادعي لكل بنت بالزوج الصالح والله يرزقني واياكن جميع يااااااااارب

بنات لازم تحطون في بالكم ان ربي على كل شي قدير وان الامر بيده من قبل وبعد اشتكي له صححي علاقتك معه سولفي له عن اللي يضايقك التجيء له بيرزقك ويعطيك فوق ماتتصورين لانعجب ياخوات فقدرة الله فوق مانتصور وسبحانه اذا اعطى ادهش...........

انا لي بنت جيران تعجبني بثقتها بربها هي فتاة عاديه يعني موبملتزمه حييل لكن تصلي ماعليها كلام من ناحية الاخلاق والادب الله يحفظها ولكن كانت تسمع اغاني تشوف مسلسلات مثلا عندها غيبة ولكن في قلبها خير عظيم بس محتاج احد يطلعه صار صار عمرها بالثلاثين وماصار يتقدم لها اللي متزوج واللي فيه عيوب ماتترقع ابد ولكنها كانت ترفض تقول ياما اخذ شخص زين واعيش معه وارتاح ولاقعد في بيت ابوي معززه مكرمه مابغى اتزوج لمجرد الزواج بس ابي ارتاح وكانت ترفض الاشخاص المتزوجين اللي يتقدمون لها تبي شخص لها بروحها ماتبي تعيش مع ضرة تقول ماتحمل مشاكل الضرة وسوتالف الغيره ليش اغالط نفسي واقول يله زوج والسلام واهم شي اتزوج رغم ان كنا نقول لها تزوجي واحمدي ربك حتى لومتزوج من بيجيك لكن ثقتها بالله عاليه ومرت الاعوام ووصل عمرها قرابة الاربعين ولازالت مصرة على موقفها وعندها يقين بالفرج وعوض الله لها ورغم انها ضاقت ذرعا بكلام الناس وتجريحهم وهمزهم لها ولاحول ولاقوة الابالله وقبل زواجها تقريبا بسنه صححتي كل امورها مع الله تصحيح
فعلي تركت الاغاني والمسلسلات وصارت تقرا قران كثير وتستغفر كثير وتتصدق بعد وتركت الغيبة وجاهدتا نفسها لله قبل كل شي وصارت تلجا لربي وتدعو كثير حتى جاء الفرج وكانت المفاجاء التي الجمت افواه الناس تقدم لها رجل ماتوقعنا انه يخطبها تقدم لها ابن رجل تاجر كبير ومعروف عندنا بالمنطقه وححقق لها ربي مارادت رجل من غير ضرة رجل ارمل ولديه بنت كبيره بالسن ومتربيه عند جدتها وقريب من سنها بالاربعين ومعيشها احسن عيشه ماتحلم فيها وبيت وعز وروحات وجيات ودلال ولاكان ماشاء الله ربي يتمم عليها بخير وهالحين حااااااااااااامل وعلى وشك ولادة ربي يتمم على كل وحده بالسعادة والخير

وفعلا صبرت ونالت والناس انصدمت من خبر زواجها لهذا الرجال وبذات الاعداء الحاقدين لكن كانت لكل احبابها خبر سعيد

وصااااااااااااااااار الناس تحسدها وتقول والله صبرتي ونلتي
الله يهنيها ذكرت قصتها حتى اشجع بعض الاخوات واقول الصبر ماعلى الله عسير وبيفرج ربي قادر بس انتي اوقني بالاجابة

وربي يرزقنا واياااااااااااااااااكن يااااااااااااااااارب

دعواتكن