بنات تعالو باركولي

السلام عليكم ورحمة الله وبركاته





كيفكم بنات حواء ان شاء الله بخير

بنات انا اليوم يموت من الفرحه والارض ماتوسعني ماني مصدقه

اليوم جا ابو الشباب وقال ابغاكي في سالفه انا طاح قلبي بين رجولي ودارت بي الدنيا قلت ليكون سويت شي وانا مدري

قلت خير اللهم اجعله خير

قال انا ابغا الاجر ودي اكفل يتيم حد وانتي حامل يسير بعد ماتولدين يرضع مع النونو انتي وش رايك؟؟

انا فرحت وقلت الله يجزاك الجنه ماعندي مانع

بس بعدين قعدة افكر

يعني لابلغ او وصل سن محدده ياخذونه ولا يقعد معنا العمر كله؟؟؟

يعني اخاف ارضعه واربيه واتعب عليه في الاخير ياخذونه واموت حسره وقهر

ومحتارين وش ناخذ بنت ولا ولد وانا عندي بنت وولد وكلهم على بعض والحين حامل بولد

انا زوجي باقي ماراح يشوف وش الاجراءات وش الشروط

وانتم وش تنصحوني اجيبه بعد مولد ولا استنى الين ولدي يكبر شوي ؟؟

بس حبيت اسالكم واشوف في احد كفل يتيم وش سوى وش هي الاوراق الي يبغونها والاجراءات وهل تطول الين مايخلصوها ولا لاء

بنات الله يسعدكم ادعولي اني اتوفق في هالكفاله

والله يعينيي على التربيه والتعب بس كله عشان الاجر وكمان من حبي للاطفال خاصة الايتام واللقطا :44:

واذا صار شي راح ابلغكم اول باول

بنات الي ماتعرف شي ترتفع الموضوع بدعوه الله يرفع قدركم دنيا واخره




لااله الا الله سبحانك اني كنت من الظالمين