بنات تعالو بشاوركم ياانا ياسلفتي

السلام عليكم ورحمة الله وبركاته


والله مالي بالمقدمات بس خلوني اعطيكم نبذه عن حياتي انا ماعندي اطفال الله يرزقني وكل محرومه كنت لي

عشر سنين بعيده عن اهلي واهله والحين جد شي جديد يمكن ننقل للرياض عند اهلنا بنات وش تنصحوني اسكن في بيت لحالي زي ماانا متعوده ولا اسكن مع حمولتي بيتنا فيه اخت زوجي ماتزوجت واخوان زوجي وثنتين من حريمهم المطبخ مشترك بينا ووحده من سلفاتي حاليا بجيب شغاله اجار لي ولابو زوجي واخت زوجي وتناظر البيت لاكن وين المشكله سلفتي الي مشاركتني المطبخ الكل مايواطنها في البيت غير انها دمار الشي ووصخه لدرجه فوق الي تتصورونه واي شي في البيت من مواعين تضيع وتتكسر اذا نقلنا اكيد بجيب مواعيني بس انا قلت لزوجي بخليها في كراتينها ماراح اطلع منها شي حرام بكره ماالقى شي وقايلتله ابي بيت ماارح ارتاح صح لي غرفتين ودورة مياه وانتم بكرامه بس ابي راحتي لاكن زوجي حاط فلوس في البيت مع اخوه وابوه واخاف انه يرفض اننا نطلع بنات مره ماارتحت ابد انا متعوده اني في بيت لحالي انادي الي ابي واعزم واصلح في بيتي وادير بيتي وانظف و اعدل وابدل وانا الامره الناهيه ماتعودت على ان احد يشاركني مملكتي زوجي مقتدر والحمد الله وبس علينا قرض واحد وراتب زوجي ماشاء الله كبير ودي اطلع لحالي غير البزران وصجتهم والله من الساعه عشر الين الساعه ثنعش او وحده وسلفتي وبناتها على صوت واحد وصراخ ولا تقرقع في المطبخ بالمواعين وزوجي عنده دوام هو متعود اذا دخل الغرفه خلاص مافيه اي صوت يزعجه حتى لو انا صاحيه مااطلع صوت وا لا حتى صوت لتلفزيون غير انه اذا جاء ولد زوجي حاليا له غرفه بس اذا كبر وين يروح ماله مكان كل الغرف شاغره ودي في بيت عشان احط له غرفه للبلاستيشن ودي من زمان بمطبخ حلو وثلاجه كشخه و طاولة طعام وبوفيه احط فيه مواعيني الكشخه ما ابي شي مفروض علي تعودت على كذا بنات ابي حل وشلون اقنع زوجي اذا ثبت نقلنا هنا على الطلعه بقولكم مره كنت معه في السياره وقتله انك اذا نقلت ماابي اجلس سالني وش تبين انتي سكت ماقدرت ارد قلت خلها لظروفها والله ماودي افارق الباقين حرام ماسوالي شي بس مااقدر اعيش مع سلفتي فيه اشياء كثير مزعجتني منها زي التصنت ووقفت الدرج وتفتح باب غرفتها وانا طالعين ولا جايين واللقافه وكلام ماينقال عنها لو اتكلم عنها ماتكفيني كل صفحات المنتدى وغير اني ماابي اغتابها يكفي الي قلته غير اني ابي راحتي وراحة زوجي وحريتي ابي ارتااااااااااااااااح واهل زوجي اذا بيون يزوروني او اخت زوجي تبي تجي عندي والله الله يحي الكل والجميع ماراح ارد احد ولا امنع احد من الزياره باستثناء الاخت الفاضله سلفتي لاني يمكن اجي القاها داخله وسط دولابي من اللقافه موب بس غرفتي :35: بنات يالله همتكم ابي حل لاقناع الحلو زوجي باننا نستقل في منزل لحالنا