بنات تعالو شوفو اخت زوجي وش تسوي فيني وانصحوني

السلام عليكم
اخباركم بنات ..
........
ابدخل بالموضوع ..
انا الحمدلله معاملتي زينه مع اهل زوجي ولا عمرهم اشتكو مني ومن تصرفاتي
ودايما تدق عي ام زوجي (عمتي اخت ابوي ) تعزمني
المهم علاقتي ممتازه مع عمتي
لكن اخته اخته اكبرمني بسنه يابنات معاملتي زينه معه بس صار شي وانا في شهر الثاني من عرسي تخيلو
اخت زوجي تتكلم عن دار تحفيظ القرأن وقالت ابغاك معي قلت انا مااقدر وصعبه شوي لاني عندي كليه واتعب اسوي الغدا اذا جيت وانا الحمدلله يعني قبل عرسي كنت بتحفيظ القرأن قلتلها انا جربت الدار افضل
شي انك تحفظين بالبيت وعندك مسجل وقاريء تقرين وراه كذا تحفظين بسرعه قالت لا ماعرف احفظ ابروح للدار وابيك معي اعتذرت قالت لازم تروحين قلت بمزح والله شاهد علي اني قلتها بمزح وعلى نياتي
قلت ايه علشان تبين زوجي يوديك ناظرتني نظرات استحقار وقالت انا اذا بغيت شي من اخوي انا اقوله مهو انتي تقولين له وبعدينا حنا جينا في بطن واحد تجين انتي تفرقين بيننا سكت انا وهي مشت وراحت غرفتها وسكرتها بقوه انا ماحسبتها زعلت يعني انتظرت ساعه وانا لحالي جالسه قمت ورحت
قلت يمكن نامت رحت لشقتي ومن بكرا نزلت لهم العصر وجبت معي صحن حلا جت عمتي وأستغربت مني اني جايه قالت انتي هنا قلت ايه قالت هلا هلا وقمنا نسولف ونضحك وسألت عمتي عن اخت زوجي
قالت هالحين تجي انتظرت لين اذن المغرب وقمت شلت القهوه وديتها للمطبخ قابلت اخت زوجي بالمطبخ
قلت السلام عليكم ماترد قلت يمكن ماسمعتني قلت اخبارك ماردت مشت وعطتني ظهرها ودخلت غرفتها وسكرت الباب المهم باللحظه هاذي دق زوجي قال وينك قلت تحت ,ضحك وقال خلاص مع السلامه قلت ليه تضحك قال بعدين اعلمك انا رقيت على طووول لشقتي وواجهت زوجي قالي
قال جتني امي تقول (وهذا كله قبل لا انزل لهم) انك متزاعله انتي واختي انا وجهي صار كذا :huh: قلت ليش ؟
قال زعلانه على انك قلتي لها زوجي مو لعبه عندك كل شوي جيبني ودني وانا عصبت وجيت طاير دورتك في البيت مالقيتك دقيت عليك قلتي تحت قلت في نفسي زعلانه وتنزل تحت مايصير لا وماخذه الحلا كله لهم ولا بقيتي لي وضحكت قلت انا اولا انا ماقلت هالكلام ابدا اختك كذبت علي وقلتله السالفه كلها وفهمت زوجي كل السالفه قال زوجي انا اقولك اختي حساسه قلت انا بعد حساسه اكثر من مره تمزح وتضحك علي بس اسكت وما ازعل بس انها تكذب علي هذا اللي ما ارضاه ودايم يابنات تمزح كثثثثثثثثثير معي وماتبي احد يمزح معه قهرتني وقمت ابكي :icon33: وقلت في نفسي اذا هي كذبت علي ووصلت كلام كذب لزوجي لسالفه تافه زي كذا اكيد مارح تخليني العمر كله
يابنات انا هالحين اروح معها للكليه كلنا في كليه وحده اذا جت تروح لخوياتها وانا اروح لخوياتي
بس اذا طلعنا ادق عليها اقول زوجي عند الباب انا انتظرك بسرعه انتظر انتظر انتظر بعد فتره تجي وهي وخويتها معجبه فيها ويتدلعن ويتمسخرن انا هنا يرتفع الظغط عندي مااحب هالحركات بس اصبر
والا مره كنت واقفه انتظرها جت ماشافتني وانا اشوفها قدامي قالت ياربي هذي وينها اف تقصدني انا قالت صديقتها هذي هي شوفي و تأشر علي وهي تنصدم وينقلب وجهه من الفشله
انصحوني يابنات اكثر من مره انتظرها وينتظر زوجي برا وهي تطول يسألني زوجي يقول ليش تطولين
والله تعبت منها مالي خلق للكليه وهي بس جايه تنكد علي
وش رايكم يابنات ارووح وامشي واتركها والا انتظرها واصبر طفشتني وتسوي حركات هي وخوياتها ضحك على البنات استغفر الله عاااد مايشفن انفسهن استغفر الله