الله يحفظ امك لك ويمتعها بالصحة والعافية
ياقلبي على امهاتنا احس انهم حوريات من اهل الجنة

عاشوا متفانيات لازواجهم وتربية عيالهم ونياتهم الطيبة
ومن قلبي اذا شفت ام متلفعة بالشيلة ودي اقبل راسها
لانهم قلوا في مجتمعي
سلمينى على امك وقبلي راسها عنى
والسلام امانة بس انتبهي لا تخزك بعين وتعرف انك كاتبة عنها
والخز والقبص تهديد اميمتي **** يشفيها

ام شروق يالغلا ترى مو تأليف امي ذا قصيد وقت الزواجات الول يقصدنه عجايزنا وتنطنط وحده قدامهن ...عااااداااات تخبرييين ..

كل عام ولنتي بخييير يالغلا
الله يسعدك وامك
يشفي امي وامك وجميع مرضى المسلمين

موضوع رائع يانبض زوجي
وخصوصاً عند اللى بعيدين عن امهاتهم
الله يحفظلكم امهاتكم
عاد الله يعينكم علي (وحده مفارقه) اصبرو عليها
امي
امرأه بسيطه جدا

لدرجه ان في ناس كانو يكرهونها كره العمى ولما كبرو اخواني صارو زينين معها
اخذت بنتهم لاخوي
انصدمنا ماتوقعنا توافق او على الاقل تشيل عليهم شوي
طلعت الحرمه ماهي معاهم ولادرت عنهم
والله امي تهبل
ذويقه وتحب الالوان الزينه (ملكة الالوان)
وتعلق على ملابسي والواني الباهته
اذا رحنا فرح سواء تجلس على اعصابها لين تشوف فستاني وتطمن
وتقول تسوينها وتلبسين فستان بدون لون ههههههههههههه
واذا مصختها تروح تشتريلي فستان بلون فاقع يبرد قلبها خخخخخخخخخ
اذا جات تبي تسوى قويه على حريم اخواني عطت وحده كلمه وجلست اسبوع تراضيها خخخخخخخخ
اخواتي ينقهرون ...انا انبسط اقول الله يديم الجبر والمحبه
اخواني ماكلينها ماتحبين عيالي ...ماشلتي بنتي
بالمزح طبعاًويمكن جد مدري عنهم
وهي هات ياحلوف انها تحبهم وتغليهم
اما نحنا البنات غير
اذا زرتهم وجيت بسافرلبيتي ماتدري ايش تعطيني لدرجه ترسل معي ورق عنب وسنبوسه تقول صعب تلفين مع العيال خذيه جاهز
هو فيه مثل الام
اذا جبتي طرف كلام ان فيه شي ناقصك او ودك فيه والله مايجي الليل الا والشي عندك
امي ماشاء الله عليها مقرشه وعندها تجاره شغاله مع ابوي وكريمه كرم فظيع وتتبرع كثير واخواني يهاوشونها (دايم يقولون لها بنحجر عليك )مزح طبعاً
وانا مسويه فاعلة خير واخترع مشاريع خيريه دايم وامي تمول عسى عمرها طويل
من المواقف اللى ما انساها
مره حرمه اعطتني 60 ألف قالتلي خليها عندك امانه
انا بيتي دور واحد قلت لامي تمسكها
امي تعذرت ومسكها اخوي ومره السنين وجيت اقول لامي هاتي فلوس الحرمه وهي تقولي ماعطيتيني
انا خفت كثير كيف الا اعطيتك من وين اجيب للحرمه فلوسها مصفره
انا وياها نسينا سالفة اخوي
الا تكلمني تقول لقيتها فرحت كثير
وطلعت السالفه انها كانت بتدفعلى لولا اخوي قال عندي
فيه احد مثل امي
وترى ماهي مقرشه واجد

ههههههه النظره حتى في المدرسه اجي اسوي غلط اتذكر عيون امي ابطل احس يتجمد الدم في عروقي من الخوف
على فكره ياحبي لحقل