بنات تعالو هنا بليز

بنات بفضفض لكم
تكفون اسمعوني
انا خلصت جامعه لي تسع سنوات وخلال هالسنوات عانيت حرفياً من الفراغ القاتل الممل فعلا العطاله شيء مو كويس
بالبدايه تستمتعين بالحريه حرية ان ما فيه اعمال او اشغال تسوينها بس جالسه بالبيت ونوم وسهر ومسلسلات وطلعات وجيات يعني وناسه ع الاخر لكن اذا زادت عن حدها انقلبت حياتك وتغيرت للاسوء لان الروتين نفسه يتكرر فيبدأ الملل يدخل حياتك والشغف لروتينك اليومي اللي تسوينه كل يوم خلاص تملين منه وتبدين تبحثين عن الوظيفه والدوام والصديقات والمجتمع والماده حرفياً هذا الشيء اعيشه الان 😣
انبسطت اول سنتين بس بعدها خلاص
قدمت خلال هالسنوات ع الوظايف الحكوميه بشكل مستمر ولا جاء قبول
توجهت للقطاع الخاص وماخليت مكان ماقدمت فيه وبرضو ولاقبول
توجهت للمندوبات عبر الانستقرام ولالقيت تفاعل وزباين وتركتها لان ما استفدت شي
والحين احس خلاص مو قادره اتحمل العطاله
وصلت فيني الافكار وانا اتابع مشهوره بالسناب واشوفها تعلن ولها مشاريع ما شاء الله قلت ليش ماادخل هالعالم والحين لي سنه فاتحه سناب ولالقيت اي اضافه 😭😭
تعبت من الفراغ والعطاله وتعطيل رزقي وعدم الحصول ع الماده ما عندي مدخول مادي صرت اخجل اطلب اهلي هم مايقصرون بس خلاص ما عاد اتحمل يصرفون علي ودي انا اصرف عليهم ومعهم واساعدهم
شورو علي شلون اجيب متابعين عندي محتوى مرتب ومفيد وممتع
تعرفون قروبات بنات بالسناب ؟!
تعرفون طريقة نشر سناب ؟!
لاتقولون روحي مشهورات اعلاناتهم ب٥٠٠٠ ريال من وين لي هالفلوس ولو معي مادفعتها لمشهوره ومافيه مشهوره تعلن لحساب شخصي الا اذا تعرفها رحت لمشهوره طلبتها وفتحت الرساله ولاتكلمت تفشلت اني طلبتها وندمت لكن حدني الزمان والله هالمشهورات نوقف معهن وندعمهن كزيادة متابعات وكذلك تفاعل بحسابها ولما نحتاجها ونطلبها تصد وتصمت يعني شي يحز بالخاطر الله يرزقنا ويغنينا من واسع فضله
شورو علي ياخواتي وساعدوني كيف انشر سنابي
واذا تعرفون قروبات بنات للنشر علموني تكفون