بنات ,,,, (( تعبت ))استغفر الله

السلام عليكم ورحمه الله وبركاته ,,,

اخواتي حبيباتي ,,
والله مالي غيركم من بعد الله سبحانه وتعالى
حاليا كل اهلي مسافرين امي ابوي خواتي وحاسه بضيقه وحبيت افضفض لكم
ادري ربي بيسمعني ونعم بالله ,, وكل شي بايد الله

قلت تشاركوني وتطمنوني بكلامكم اللي يبرد القلب والله ادري ماراح تخيبوني
اغلبكم عارف اني شبه معاقه ,, بس الحين بفضل من ربي تشافيت 70%
الف الف الحمد لله والشكر له :(

بس الشهر اللي طاف سوولي عمليه حق صبعي
ظفري الكبير
لانه الظفر منغرس باللحم ويعور مووووووت موت والله مانام الليل
ومن بعد العمليه الحين ظفري طلع :icon33:
بس لي الحين ماطاح والله انه يعورني وبمااني البس جهاز بريلي ,,, يضغط عليه ومااقدر امشي ولي مشيت اتعذب


استغفر الله استغفر الله تعبت تعبت
من سنه وانا مو مترقعه ,,,

اول شي طولت سنتين ونص ماحملت
وعقب ماحملت صار لي الحادث وماتهنيت بولدي
وصار التهاب بالجرح
بعدين تسمم ,,, لاعت كبدي وامتنعت عن الاكل
عقبها صار جفاف صرت هزييله وطاح شعري
بعدين طحت وصار لي شلل بالقدم
بعدها سالفه ظفري :icon33:

من ولدت مجموع العمليات اربع + القيصريه خمسه :(

الحمدلله الحمدلله الف الحمد لله على كل حال

ادري كثير صار لهم مثل ماصار لظفري بس ادعولي انه يطيح بروحه ومايعورني
لان لوماطاب راح بسوون لي عمليه ,,
وانا نفسيتي اتعبت من العملياااااات بس بس بس
قمت اكره اللون الاخضر والسبه العمليات
شقتي مليانه ابر حبوب مقص قطن شاش بيتادين ونورمانسلاين بلاستر......


جزاكم الله كل خير
اتمنى منكم دعوه صادقه من قلبكم ان الله يشافيني وارد امشي نفس قبل واحسن ....
ماقصرتوا ومشكورين ..
ابي دعوه بظهر الغيب ..
واللي تدش تطمني وتخفف عني الله يفرح قلوبكم دنيا وآخره

اختكم : سونه حياتي