ترا اغلب الرجال كذا بالذات مع مرور السنين ولله يصير الموضوع خذ وهات بس. فلا تنكدي على نفسك وريحيي نفسك من التفكير والهم صحتك اهم ياقلبي

حبيبتي انتي مو موظفة أعتقد.. طيب فكرتي تتطوعين في مركز تحفيظ مثلا؟ اختلطي بالناس وعلمي الأطفال القرآن وشاركي في أنشطة وكذة والله بيبارك لك في حياتك ويرزقك.. وفكرك شوي بيروح بعيد عن البيت والهموم لأن صار عندك هدف سامي وجميل.


من ناحية ثانية شوفي زوجك وش يحب من مواصفات مو لاقيها فيك؟ إن كان من ناحية الشكل أو الطباع..
يمكن يحب الزوجة المرحة وانتي عكس ذلك هادئة..
يمكن يحب مواصفات معينة في الشعر مثلاً يحبه مصبوغ..
يمكن يحب العناق والدلال وانتي خجولة.
ما فيها شي تغيرين بعض الأمور عشانه،
حتى انتي بتتعدل نفسيتك لما تغيرين روتينك اليومي.

ياحبيبتي انتي جالسة ترسلين للعقل الباطني رسايل ومن كثر ماترسلي وتفكري فيها صارت كانها اكيدة وصرتي حتى الاهتمام تحسية كذب لانك مؤكدة في عقلك الباطني انو كذب وتمثيل اهم شي انك تحاولي تزيلي هالفكرة من عقلك الباطني انك تسوي العكس تماما انا زوجي يحبني انا احس بالامان زوحي ماراح يتزوج علي بأذن الله وهذا من حسن الظن بالله واللع يقول فيما معناه انا عند حسن ظن عبدي بي فليظن عبدي مايشاء فلذلك لازم تحسني الظن فيه واشغلي نفسك بالذكر والاستغفار حبيبتي وفضفضلي لربك همومك والله تشوفي العجب العجاب ربي يسعدك ويوفقك ويريح بالك

تراك بتخربين على روحك إذا استمريتي بهالتفكير السلبي ..
الرجل لا يمكن يجامل شهور فمابالك بسنين ..
ادحري ابليس وتعوذي منه واسعدي بما وهبه الله لك وتوكلي عليه سبحانه .

اللهم صل وسلم على محمد