بارك الله فيك أصبت .. لكن مثل مايقولون طاح الفاس بالراس .. والمفترض نعرف تعريف الحب هذا ، بعضهم علاقات وكلام وغزل واتصل لخروجات ويسمونه حب ، وبعضهم نظرة بالخطأ ، أو سيرة حسنة فأحبا بعضهما ، فأم المومنين خديجة رضي الله عنها احبت النبي صلى الله عليه وسلم من امانته فقط تخيلي ! سبحان الله وزع الحب مثل ماوزع الارزاق ، والحب رزق .
بارك الله فيك أصبت .. لكن مثل مايقولون طاح الفاس بالراس .. والمفترض نعرف تعريف الحب هذا ، بعضهم...
عادي الحياة الزوجية تمر بمرحلة فتور ،
المهم يا حلوة و لا تنكدين ،، و إذا على (الكشخة) و المبالغة بالزينة إذا ما عندك رغبة فيها… بسيطة وقفي ،
و ألبسي باليوم اللي إنت بداخلك لك رغبة تكوني بطلّة مميزة
غيره كوني عادية ، مرتبة و نظيفة ، يكفي.
بصفة عامة الأزواج ينجذبون للروح الحلوة و الفرفشة ، أكثر من البهرجة بالزينة ( خاصة بعد وقت من الزواج )
فأنت تقولي كل يوم هواش بينكم ، معناه بينكم تراكمات ، فهو ممكن يخرج مع أصحابه هروب من التوتر اللي بينكم، ما عنده قدرة يعالج الوضع أو يفهمك صح.
لذلك الأفضل برأيي يكون فيه روتين يومي و أسبوعي ،
مثلًا وقت جلسة العائلة يكون لكم وقت تجتمعون فيه يوميًا على وجبة أو قهوة …
و وقتها اختاروا المواضيع الحلوة أو العادية أو لاعبوا طفلتكم سوا … حتى لو نص ساعة تترك أثر طيب بينكم
و أسبوعيًا تختاروا أيام للطلعة
(مو ضروري تطالبين فيه الآن لكن تدرجي إلى ما يصير روتين ، لأن الروتين يخفف من الصراع بينكم و يصير شيء مكرر )
المهم الآن ،
تغيري شوي ، انشغلي بنفسك ، بحيث لما يرجع البيت ما يحس إنه إنت متعطشة للاهتمام منه.
اهتمي بنفسك و فكري بأشياء(فيما يرضي الله) تسعدك و أعمليها ،
و إذا حسيتي نفسك مشتاقة لزوجك اشتياق عاطفي من كلام أو غيره .. فهنا أفضل طريقة إنك تعبرين عن أشتياقك للشيء أو إنك بحاجة لقربه منك …
و تصرفي بعفوية و اقتربي منه.
**هذا أفضل من الضجر أو من العتب إنه إنت مشغول و كذا ، لأن بيآخذ وضعية المدافع و يبرر لك، و للأسف بتزيد بينكم الفجوة.
و فيه طريقة ثانية للفت نظر الزوج بدون الكلام ، و اللي هي حركات الإغراء اللي تظهر الأنثى (إنها تتصرف بعفوية) لكن مع بعض الحركات (المقصودة منها) ،،
و الأهم لا تنسين تدعين ربي يصلح ما بينكم و يرزقكم المودة و المحبة.