بنات تعرفون حد انقذف و كيف تصرف و ايش برأيكم هو الحل؟

بنات انا كنت متزوجة في دولة ثانية و كانت خالتي هي سلفتي و ما اشوفها الا كم مرة في السنة و صار موقف تافه و قلبوا علي و قالوا اني اتكلم فيهم و انا ما تكلمت و هم اساسا دائما يتكلمون فيني و قالوا لاهل البيت هذي مريضة نفسيا و كنا جالسين في نفس الدور في بيت الإجازات عند أهل طليقي و كانوا البيت كلهم رايحين حديقة بناتها اللي اصغر من بسنه و اللي اصغر ب اربع سنين قالوا ما نباها نفسيتها ( و انا ادري اني نفسية لان كان طليقي مو زين و يوم طلبت من اتطلق قال إنه بيحرق وجهي الأسيد اذا قلت كذا مرة ثانية و امر بظروف صعبة ) و كانوا طول الوقت يجتمعون و ينادون بعض بصوت عالي يعني انتي ترا ما نباك و كنت جالسة لوحدي في الغرفة طول الوقت و بعدين رجعت لشقتي اللي بابي قدام بابهم و كانوا طول الوقت يجتمعون مع أهل البيت و كانت اخت طليقي تتمصخر تقول زعلانه ما عزمناها و انا ما قلت اني زعلانه انا قلت لو ما عزموني ما بروح المهم مرت اشهر و ما شفت حد و حامل تعبانه و عندي طفل بالاشهر و انا في السادس مدري السابع قومت طليقي من النوم راح رفسني قال يلا انقلعي عند اهلك انتي طالق و كان وقتها حظر كورونا و اهلي في دولة ثانية و ظروفهم صعبة كثير لدرجة اني قبل حولت لهم فلوس لان ما عندهم اكل حتى زوجة عمي مرة جابت لأهلي اكل و اغراض لكن أحوالي ابدا ما يساعدونا من سنين مع إن كلهم موظفين و هذا حق من حقوقهم انهم ما يساعدون مع إن امي تعبانه ابدا ما كانوا يسألون فينا نحن بناتها و هذا حق من حقوقهم هم يسألون عن بعض و أهل مع بعض و يمسكون عيال بعض و ما نعرف اي شي عنهم و عن خصوصياتهم أو حياتهم بس يسوون مشاكل فلان قال و علان قال ،،،المهم قلت له يرجعني عند اهلي ما رضى و بعد كم يوم ضربت ولدي لان عض يدي راح حط المسدس براسي و قال ضربتيه عشان تقهريني و قال كلام كثير نسيته بسبب الضغط و كنت حامل وقتها في الأشهر الأخيرة و كانت خالتي وقتها نفاس و كانوا أهل طليقي طول الوقت داخلين و طالعين من بيتها و مطنشيني و لا مرة وحدة حد سأل اذا انا كنت بخير اذا انا فيني شي او ناقصني شي مع إن انا عايشة فوقهم و كل خوات طليقي متزوجات و يجلسون بالاشهر عند امهم و دائما يزورون خالتي اللي هي قدامي و مطنشيني يعني كان كان شي مو طبيعي و كان طليقي دائما يقذفني و يقذف امي و يقذف ابوي كان كل مرة ولدي يبكي يصرخ علي و يقول انتي تعذبينه عشان تقهريني و هو كان يبكي لأنه طفل صغير عمره بالاشهر و كان يقولي يالساحرة العجوز و انا عمري كان ٢٤ بس ،،المهم اني كنت اقول اني باقي كم شهر و بولد و بفرح بولدي و بستانس و الناس بتقدرني و أهل طليقي بيزوروني و ببيع من ذهبي بشتري كنب يواجه قدام الحريم و بحاول استانس بالنونو و انا علاقتي كانت رسمية كثير بأهل طليقي ما كنت اتكلم عندهم باي شي و ما كنت اشتكي لهم باي شي و اشوف هم بالاشهر كم مرة بالسنة ،،،،المهم سلفتي ما شفتها خلال فترة حملي ٧ شهور كاملة و ما في اي حد ساعدني باي شي وقت حملي أو سأل عني و يوم جاء اليوم المنتظر و رحت اولد في المستشفى دخلوا اخت طليقي و سلفاتي بيتي اللي ما ساعدوني في اي شي وقت حملي دخلوا بيتي ع أساس ينظفون و بدون اذني ما استئذنوا مني و رجعت لقيت البيت نظيف و يلمع و الكل مبتسم و جت خالتي صارت تخدمني و هذا و قلت يمكن انهم ناس طيبين بس كانوا زعلانين انا نفسيتي تعبانه و ما اريد افكر بشي و كان طليقي يجي عندي و يقذفني بأشياء قذرة و يضحك كانوا مطلعين كلام عني اني راعية بنات و كان في دق كلام عن التربية و كانوا يقولون عني تربيتي سيئة و اني ما تربيت و قال طليقي انا ما يهمني كلام الناس دام انا راضي خلاص و قلت أنا اعرف نفسي انا ايش هذا مو كلام الناس هذا كلام الحريم اللي في بيتكم و جت اخت طليقي تنصحني تقول ما نبى الناس يقولون ما تربيتي و أن لازم تحافظين على بيتك و اذا رجعتي عند اهلك كيف بتعيشين و اذا سويتي شي غلط لحد اعتذري منه(و انا في حياتي ما سويت شي غلط لحد و ما سويت اشياء قذرة) و سكت و بعدها بفترة امه كانت دائما تقذف فيني و تقول كلام وصخ و يوم قلتلها ليش تقولين كذا قالت أنا ايش دخلني اذا هو راضي فيك (يعني غصب يبوني وصخة و مو زينة) و كانت أم طليقي عندها واتس و كانت دائما تشغله بصوت عالي و كانت اخت طليقي اللي جت تنصحني تقولها انتبهي على الشغالة منها و تضحك راحت أم طليقي تتمصخر تقول لشغالتها البسي عباية و نقاب قدامها و الشغالة تضحك و يوم في السيارة كانت تمسك رجول الشغالة و تبعدهم عني المهم أن في الاخير سبببت فيهم و صرخت عليهم راح طليقي ضربني على ظهري و انا كان الموت علي اهون من الاشياء اللي يقولونها و طلع المسدس حقه مرة ثانية يهددني يقتلني و قالوا خواته هذي سبت امنا رجعها عند اهلها و سألت خالتي اذا كانت قذفتني و تكلمت في عرضي سوت كابتشر و قالت أنا لو بألف سوالف بألف عند امك و هي عارفة ان امي تعبانه و ما بتألف عندها شي اصلا امي اهلها ما يسألون فيها ،،،المهم قالت انتي مثل بنتي و ما اتكلم فيك و قلتلها أن تهاوشت معهم و ضربني أكثر من مرة و أن إذا كانت تكلمت فيني فهي سببت لي ضرر كبير و رجعت عند اهلي و اهلي عايشين عند اقاربنا مقسمين البيت و وحدة من خالاتي تصير زوجة عمي يعني سلفة امي ،،،المهم أن أول ما رجعت ما قلت لاي حد اي شي صارلي قلت أنا بنسى و بهتم في عيالي و ينتظر ورقتي عشان اصرف على عيالي و زارني جدتي و جدي و الكل كان مقدرني و الأمور طيبة و محد تكلم و محد قال شي و انا ما تكلمت عن اي شي صارلي و كان عندي طفلين طفل عمره سنه و شي و طفل بالاشهر و قلت باحاول احسن نفسيتي و. اهتم فيهم و جلسنا كم شهر ما في شي و بعدها رجعت خالتي اللي متزوجة عمي من السفر و كانت الأمور طيبة و بعدين صار أكثر من مرة تجي بيتنا تسأل في الخصوصيات مع انها حامل في الأشهر الأخيرة و ما كنت ارد و بعدين بنتها اللي عمرها ١١ قالت للصغارية أن امها قالت إن هذي مثل الرجال و انتبهوا منها و راحت بنتي عمتي حتى انا قالت امي انتبهي ،،،وقتها انا ما كنت اقدر انام بالاشهر و طول الوقت. بس اتحسب و ادعي على خالاتي و بعد ولادة خالتي راحت امي تزورها(يعني تخيلوا فرحت و استانسنت بنفاسهاا عند اهلها و الناس قدرتها و جاية تقل ادبها علي) قالت بنتك يقولون تطلقت عشان تفلت على امه و بعدها بفترة قالت لا يقولون ما طلقها و بعدها بفترة قالت يقولون يبى يرجعها و انا غبية لان ما كنت اقدر انام من كلامها و ما اباهم يقذفوني قعدت ابرر لها اقول انا بهذلني و انا و انا و هي ما يهمها و يفرق معها و انا جلست سنتين ادعي عليهم و ما ادري ابرر للناس اقول لهم سبب طلاقي و لا اسكت ؟