بنات تكفون ابي عقول حكيمه ابي اعرف كيف اتصرف

السلام عليكم ورحمة الله وبركاته
بداية المشكله بختصرها زوجي انسان متكل علي بكل شي تقريبا
وبما ان عند اهلي سواق كنت دايم اخلص مشاويري معاه من تقضي ملابس
لي والبناتي وطبعا هاالشي مضايق اهلي ودايم ابوي يقولي
يابنيتي لازم تعودينه يساعدك شوي مو المسؤليه عليك كلها
فوق هذا المصروف ابوي يساعدني فيه بحياته ماتقضى البناته زوجي
كله من فلوس ابوي لان ابوي يقول لاتضغطين علي زوجك بالمصروف اللي يعطيك اياه خير وبركه والناقص اطلبيه مني
طبعا زوجي يعطيني 700 لي والبناتي ثنتين ماتكفي ابد الملابس وجزم لي أنا وبناتي
بس أنا ماعمري ضايقته ابد ومو دايم اطلب من ابوي
اذا نقص شي طلبت
بالنسبه الوضع زوجي سفرات ع راحته و كشتات وسهر تقريبا مايمر أسبوعين لازم سفر او كشته
ومخليته ع راحته ابن الحلال ماعمري قلتله ليش انت كذا هذا غير كل ماسافرو اهله سافر معهم وانا الوضع عندي عادي كله عشان ماانكد علي نفسي وعليه
المهم مابي أطول المشكله وهي قصيره اللي حاصل يااخوات
انه كان يبي يسافر مع اهله وطلب مني اروح رفض بسبب ان أبوه عصبي جدا وقت السفر وانه معي اطفال وعشان إخوانه كبار صعبه بشقه وحده مااخذ راحتي الحاصل زعل زوجي قام مايرد علئ جواله تركته فتره وأرسلته مسج نصه هو ادري زعلان بس تكفا لو مره فكر بزوجتك قبل تفكر بنفسك وانا اسفه اذا زعلتك تركته فتره
دق بعد تقريبا يومين ورجع دق ونفسيه زفت صرت إداريه لما رضا
صار يقولي إيه بسافر وحدي وبستانس وانتي انطقي عند اهلك
قلتله أف ليش كل هذا قال لأنك ماشتغلتي معنا مع اهلي طنشته ولاكني سمعت وش يقول
وعادي رجعت بيتي نظفته قبل يجي ورجعت بيت اهلي دق مرني رحنا بيتنا كان مروق وأموره تمام
جا اليوم اللي بدت فيه المشكله
كنت بروح أخذ بطاقتي من البنك وزحمه وقلق ومعاي بناتي وحده عمرها 8 شهور وثانيه سنه و8 شهور ومسوين ازعاج بالبنك وقلق وطبعا اللي وداني البنك سواق اهلي تزلني السواق وراح يجيب اختي من الجامعه وبناتي مسويات ازعاج بالبنك دقيت ع اختي قلتله وينك قالت بالطريق خليتها تمر بنتي ام سنه و 8 وخليت الصغيره معي تخيلو دخلت البنك الساعه12 ماطلعت الا3 العصر طلعت واعصابي فلتانه من ازعاج بناتي والبطاقه ماعطوني إياها الا بعد ماكلمت مديرة البنك من القهر جلست ابكي عندها رحمتني وعجلت في البطاقه
دقيت ع ابو الشباب ابشره أني خلصت وقلتله حبيبي البنك قريب من بيتنا بروح البيت تعبانه مااشوف طريقي وانت جب البنت من بيت اهلي وانت جاي وترا اذا مالك خلق عادي جبها اي وقت المغرب العشا عادي
قال لا انتي تجيبينها من اهلك الحين قلتله أنا تعبانه وقرفانه وسالفتي كذا وكذا وانا الحين عند باب البيت هذا غير ان السواق عنده شغل مع ابوي الحين قال اذا ماجبتيها الحين مع السواق بتصير مشكله قلت خلاص أنا عند باب البيت تبي ترجعن مره ثانيه عند اهلي أجيبها هذا غير ان طريقك ع نفس طريق اهلي جبها انت أنا خلاص وصلت بيتنا والله تعبانه مقدر قال أقول جيلبيها وسكر بوجهي
بعد مانزلت ركبت مع السواق وانا بالطريق دقيت قلت أنا بطريق رايحه أجيبها قال زين قلتله أنا تعبت الحين وانا واقفه عند باب البيت ترجعني أجيبها وانت بشغلك مرتاح جالس بالكرسي لاتعب ولاشي ليش انت ماجبتها ياخي حرام عليك هاالمشوار المفروض انت توديني أنا مريحتك. ع الاخر وانت ولاهمك انت تعاملني كني وحده اشتغل عندك أنا تعبانه وشايله البنات معاي البنك وتعبوني يوم بغيت ارتاح شوي في البيت. استكثرتها علي وقبل أسكر شتمته
هنا هو انبسط راح دق ع ابوي يقاله معصب بنتك شتمتني وبنتك ترفع صوتها علي وبنتك وبنتك دق ابوي علي يقول زوجك قليل أدب يقولي لو واحد غيري رمالك بنتك وماتحملها يوم زوجك حمقي انتي غلطتي يوم شتمنتيه وخليتيها يمسك عليك ممسك بس أنا هديته وسويت نفسي معاه بس أنتي يابنتي ابي منك تكلمي امه وتقوليلها بأسلوب تشره مو زعل ان أنا فلان نرفزني وضطريت أشتمه وهو راح يدق ع ابوي ويقوله
بنتك لو مو أنا زوجها ماتجلس معاه يوم وهذا الكلام ماارضاه لي وابوي مره زعل منه ع كلامه بس مابغا يقوله وانه أنا المسؤليه كله علي وانا راضيه وساكته غير هذا يغصبني اروح معاكم أسافر وانا ماارفض عشانكم بالعكس أنتو ع العين والرأس بس كل المساله انه بناتي صغار ومااخذ راحتي مع إخوان زوجي لازم اكون متغطيه وفهمت ولدكم كل هذا بس هو أصر وزعل علي وانا تسامحت منه وماكبرتها غير انه دايم ينرفزني ثم اتلفظ بكلام مااحس فيه ثم يدق ع ابوي وابوي يتضايق من تصرفه يقول المفروض يكلمني بادب مو يقول ارميلك بنتك تقل جايبها من الشارع ابي منك ياخاله تحلينها وش رايكم أقولها كذا أنا مترددا وابوي يقول استناك المغرب تقوليلي ايش صار وانا مترددا جدا أخاف مااعرف أتصرف تكفون قوليلي من السلبي فينا تكفون