بنات تكفون ادخلوا وقولوا لازواجكم عن اللي بقوله ضروري الله/تحذير من أحد الخطوط الجوية

الله يعينك على الى صار لك
انا ماراح اغير الخطوط السعوديه راح اضل عليها اذا اضطريت على الاماراتيه او القطريه فقط

نسيت اقول انا يوم جيت امريكا وخصوصا مطار واشنطن كان معى ماء وحليب وفواكه معلبه جاهزه لولدى والله مااخذو شي منها وعدينا بسرعه لان كان معنا اطفال

ياربييييييه الله يعينكم وحسبي الله ونعم الوكيل

يالله اهم شي سلامتكم الحمد لله:44:

مش دفاعا عن بلدي بس الي صار معك حاله فرديه وانا متأكده ولو طلبتي انوا يحضر المدير بنفسوا بجي بحل مشكلتك بس الي صار اكيد حاله فرديه من شخص والاخت jojo كفت ووفت

والله انا سافرت يمكن اربع مرات بالملكية الاردنية مرررررررة عاجبتني !!

واول ما وصلنا الاردن قلنا لهم ما نبي الشناط على شيكاقو على طول .. والله ما صار اي مشاكل ..

وانا احط خطة بكل سفراتي انه اروح الاردن بالليل .. والرحلة لشيكاقوا تكون من بكرة الصباح عشان ارتاح وخاصة مع الاطفال..


وحنا كانت رحلتنا على بكرة لشيكاقوا .. طلعنا ومن المطار اخذنا باص الى فندق الملكة عالية .. ومن بكرة الباص رجعنا للمطار ..

والتفنيش اللي بالمطار ما كان فيه اي مشكلة او شي خارج عن العادة وانا معي اطفال بعد ..

والمشكلة اللي كانت دايم تواجهني في الطيارة سرير الاطفال احجزه ولا يعطوني... ثلاث مرات من الاربع مرات اللي سافرت فيها صار لي كذا وهذا الشي اللي مررررررررررة تعبني ..

بس اكتشفت انه هذي المشكلة تصير لكل الخطوط وصارت لي بالخطوط السعودية بعد لان الكل يبغى سرير اطفال فبالحظظ..

بس الموقف السخيف اللي صار لي انه انا كنت مرررررة مصرة اخذ مقعد مع سرير اطفال وحاجزة من زمان .. بس قالوا لي انه مارح يصيير زوجك جمبك وقلت معليش.. كله عشان السرير ..

لما ركبت الطيارة لقيتهم حاطين جمبي وحدة معاها طفل عمر طفلي وما في الا سرير واحد !!! تخيلو موقفي !! واللي جمبي بكل بجاحة حطت طفلها بالسرير ولا قالت لي اي كلمة .. وانا حاجرزة زيي زيها .. قعدت ابكي وتعذبت بالسفرة ..

بس بالنسبة للطيارة من جوا ما فرقتها عن السعودية ابدا .. نفس الكراسي والاكل حلو ..

وطبعا الرحلة كانت متعبة لانها 13 ساعة سواء بهذي الخطوط او السعودية ..


يمكن اللي تعبك انه من الرياض الى الاردن الي شيكاقو على طول ..

انا انصح انه الواحد يرتاح بالاردن ليله وبعدين يكمل من بكرة (( ترى نفس السعر بالضبط اذا نمتوا ليله والفندق ببلاش))



تصدقين بالعكس انا افضل الخطوط الاردنية على السعودية

من تجربتي .. اذا جيت بالخطوط السعودية مرررة يتاخر التشك ان بامريكا لانهم مررة يدققون بالسعوديين والطيارة مليانه سعوديين ..

انا بالخطوط الاردنية الموضوع اسهل بكثير ..

انتي كانت تجربتك مو كويسة هذي المرة .. بس مو شرط كل مرة تكون كذا ..