بنات تكفون ارجوكم ساعدوني>< ادخلو الله يرحم والديكم^^

السلام عليكم ولرحمة الله وبركاته
اهلين اخباركم يااحلى اعضاء بالدنيا متزوجات..عازبات ..الخ يابنات انا ابي مشورتكم وراح اعتبركم زي خواتي والله وما راح استحي وانتم ابغاكم تساعدوني وتعتبروني مثل اختكم^^ ارجوكم اقروا مشكلتي كلها وساعدوني ومعليش اذا طولت تحملوني ياعسولين:biggrinlo
اول شي انا طالبة عمري 17 سنة ماعندي خوات غير اختي الصغيرونة عندها3 سنوات( الله يخليها لي)
ومشكلتي مثل بعض البنات مااعرف ولا احب اهتم بنفسي الى متى والله اني تعبت من نفسي ..
دايم كسولةواحب الراحة ومااحب الشغل ولااحب اعمل شي ابدا بس اكل وانام <<على قولت امي
من الاسباب هاذي اضن لانة ماعندي خوات ينصحوني وامي كبيرة بالسن الله يهديها احس ان هي السبب الي خلتني كذا دايم لارحت السوق وبغيت اشتري كريم ولا شي والا اذا بديت اهتم بنفسي تقعد تقولي وش هالخرابيط هاذي انتي قاعدة تسوين كذا لمين???مالت ماهمك الا نفسك والله يبنات تقعد تعقدني
مادري ليش تنقهر اذا اهتميت بنفسي الين عقدتني وصرت مااحب اهتم بنفسي ...
وصار كل الي حولي ينتقدوني
وهي اولهم والله يبنات حتى صديقاتي وتخيلوا تخييييييلوا حتى اخواني الاولاد الي مايدورون وش السالفة
يقولون لي انت ماتهتمين بنفسك لية شوفي فلانه بنت خالك تهبل احسن منك اما انتي جيكرة والله يبانت امممممممممممموت من القهر لاسمعت الكلام هاذا منهم ونفسيتي تتعب مرة..
حتى صديقاتي دايم ينتقدوني ويسوون فيها الصريحات وهاتك ياتجريح اهى...
حتى انا والله يضيق صدري دايم اذا قعدت مع البنات القاهم رشيقات وكشخة وشعورهم ناعمة وتهبل
اما انا قسم بالله افشل وامي تقهد تقهرني عند اخوي الكبير وتقول له شفت فلانة اليوم بالعزيمة تهبل تهبل ماشاء الله هي قصدها تقهرني علشان اهتم بنسي واخوي عارف قصدقا ويقعد يضحك علي والله يبنات لاسوت كذا اني ازعل ويضيق صدري ....
بس انا اليوم قعدت افكر وقلت معاهم حق مهما كانو قاعدين يجرحون في بالاخير هم يتمنون لي الخير :024:
في كلام كثير بقلبي ودي اقولة لكم بعد بس ماودي اطول عليكم ..
انا ابي منكم باختصار انكم تنصحوني وتشورون علي كيف اهتم بنفسي..شعري ..بشرتي.. وبنضافتي الشخصية
وكيف ابعد الكسل عني والله اني مرة كسولة حتى العبادات احيانا اتكسل اسويها(استغفر الله)
كيف انضم وقتي ...الخ
يعني اعتبروني اختكم الصغيرة وقاعدين تنصحوها
وخصوصا شعري يبنات مرة مرة جاف مااعرف كيف اعتني بية خصوصا ان امكانيتنا محدودة انا سمعت عن ماسك للشعر اسمه الفيف ابي اخذ شوركم فيه^^
وبعد احس وزني زايد وودي اخسر لو عشرة كيلو بس علشان ابغا ملابسي تضبط علي ><
وفية كلام كثير ودي اقولة بس انا مشغولة شوي امي قاعدة تناديني وتصرخ تبيني اغسل المواعين هع
يلا يبنات تكفون ابي التفاعل والردود السنعة
________________________________
ملاحضة: المشرفات الله يرحم والديكم لاتغيرون مكان المضوع لاني اشوفة بقسمة الصحيح الله يرحم والديكم><
امن شلتوة او غيرتو مكانة راح ازعل والله اهى