بنات تكفون الفزعه ارججججججججججججججججوكم

حبيبتي لينا الصغيره
سويت بحث ولقيت اللي طلبتيه ارجو ان اكون افدتك يا الغاليه ونقلت كلامها الأخت الي كتبته بالحرف الواحد ..........

ولكن ارجو منك الدعاء لي ان يصلح الله لي النيه والذريه ......

بنات اليوم يايبتلكم سويت يجنن...
ينفع حق العزايم والضيافات...
وعن الكلام الزايد...
ويله نبدى...



المقادير والطريقة واااايد سهلين وبسيطين ...
خلاص ببدى...
المقادير
1. كمية من (سح) ... وهو مصطلح إماراتي يطلق على التمر المعجون...
2. كوب طحين رقم 1 أو يمكن تحتاجين أكثر على حسب كميتج...
3. زبدة أو زيت
4. توفي ... (كوب سكر + قشطة + زبدة + نص فنجان ماي)




الطريقة...
أول شي ... نسمي باسم الله الرحمن الرحيم ونغسل يدينا عدل... مو اي كلام
وبعدين ناخذ قطعة سح (تمر) ونشكلة على شكل قارب يعني نحفرة مثل ما موضح في الصورة... ألين ما نسوي الكمية إللي نريدها على حسب عدد الضيوف والأهل...
إذا لاحظتي صعوبة في التشكيل... بللي إيدج بالماي... واشتغلي بيكون أسهل عليج
ولا أقولج... إذا كنتي مقهورة من أبو العيال خليه يساعدج واعتبريها عقاب علشان يحس فيج ويقدر هههههههه

وبعدين جهزي خلطة الطحين...
إنحمر الطحين شوي على نار هادية لين يصير لونها بني فاتح ذهبي مب محروق
وانضيف الزبدة لين انحس إن الطحين بدى يتماسك وانزيد الزبدة أو الزيت شوي علشان يصير شوي لين أو سايل ... مب واااايد

ونجهز خلطة التوفي بالطريقة المعتادة...

وإلحين نمسك القارب إللي حفرناه من الوسط وشكلناه... ونحشيه أو شي بخلطة الطحين... وبعدين نحط فوقة التوفي... وانزينه بحبة جوز
والطعممممممممممممممم... يجنن
أخليكم مع الصور النهائية...



بنات سمحولي لو الشغل شوي مب مرتب تراني كنت راجعة مهدودة الحيل وبوعايشة حاول يساعدني بس شكلها بدل ما يكحلها عماها... ههههه

حبيبتي ... جنج غلطانة شوي إللي كاتب الموضوع lo(uae)ol
أم عايشة....

والرابط تفضليه

http://forum.hawaaworld.com/showthread.php?t=495616

ينقل من الحلويات لاطباق حواء